Actualitats
Es trapada l’operacion matematica complèxa pus anciana
L’operacion seriá del 3700 abans lo Crist, e seriá lo solet tèxt del cadastre d’aquela epòca
La descobèrta recenta d’una tauleta del periòde babilonian antic amb d’operacions geometricas complèxas a confirmat l’exemple mai ancian d’una operacion matematica d’aquel tipe sus la planeta. L’operacion seriá del 3700 abans lo Crist, e seriá lo solet tèxt del cadastre d’aquela epòca. La tauleta a per nom Si.427 e, segon los cercaires, lo tèxt confirmariá que foguèt utilizada per definir una frontièra.
“Es una tauleta babiloniana que parla de geometria e d’acòrdis legals sus un prat que veniá d’èsser vendut, çò diguèt Daniel Mansfield, de la facultat de matematicas de l’Universitat de Nòva Galas del Sud, en Austràlia. Es un escrich antic tras qu’important car es lo pus ancian ont se trapa l’usatge del triangle de Pitagòras per bastir d’angles dreches”.
“I a un fum de triangles de divèrsas talhas sus las tauletas anticas, çò apondèt Mansfield, mas sonque qualques unes foguèron emplegats pels ancians babilonians per de rasons practicas, perque volián bastir de palaisses, de temples, de canals o encara atermenar de prats. Amb aquesta tauleta, sonada Si.427, avèm pogut agachar cossí establissián los limits”. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
“Es una tauleta babiloniana que parla de geometria e d’acòrdis legals sus un prat que veniá d’èsser vendut, çò diguèt Daniel Mansfield, de la facultat de matematicas de l’Universitat de Nòva Galas del Sud, en Austràlia. Es un escrich antic tras qu’important car es lo pus ancian ont se trapa l’usatge del triangle de Pitagòras per bastir d’angles dreches”.
“I a un fum de triangles de divèrsas talhas sus las tauletas anticas, çò apondèt Mansfield, mas sonque qualques unes foguèron emplegats pels ancians babilonians per de rasons practicas, perque volián bastir de palaisses, de temples, de canals o encara atermenar de prats. Amb aquesta tauleta, sonada Si.427, avèm pogut agachar cossí establissián los limits”. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Efectivament, caldrà modificar l'article.
Bonjorn, i a una pichona error dins l'article. La tauleta data pas de 3700 avC. Es estada escricha i a 3700 ans, es a dire en 1700 avC.
#1
Un briu caricatural de tròp !
https://actualiteinformatique.fr/intelligence-artificielle/qu-est-ce-que-intelligence-artificielle-ia
E ara lo telefonet amb calculaira inclusa,aplèch sofisticat e protèsi de l'òme augmentat, servís a calcular que 5 per 10 fa 50 (vist sul mercat, per una vendeira novèla generacion).
L’intelligéncia a pas esperat las novèlas tecnologias per se desvolopar.
E amb aquò de la protèsi mentala, que los tecnocratas sonan « intelligéncia artificiala », se pòt puslèu observar una diminucion de las capacitats del cervèl uman.
Qu’es un piòt ?
Es lo qu’a lo cervèl dins la pòcha (o dins la man) e pas dins la clòsca.
« Quin temps fa uèi ?
-Espèra qu’agachi lo telefonet : meteo : ditz que uèi fa solelh.
-Nèci ! Agacha per la fenèstra e o veiràs que fa solelh ! »
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari