Bandièra01 1180x150: Comuna de Tolosa

Actualitats

La campanha de l’ÒPLO per l’occitan laureata del grand prèmi Cap’Com

Lo prèmi estatal francés de la comunicacion saluda una “campanha justa e pertinenta, qu’arriba de revendicar una identitat sens tombar dins lo clivatge”

| ofici.occitan.eu

Tèxte legit

La campanha de comunicacion grand public desplegada per l’Ofici Public de la Lenga Occitana (ÒPLO) es laureata del grand prèmi Cap’Com dins la categoria de comunicacion culturala. Aquel guierdon dels professionals de la comunicacion s’autregèt lo 9 de decembre passat a Roazhon (Bretanha) e cèrca de recompensar las campanhas de comunicacion de las collectivitats localas, institucions publicas e associacions d’interès general. Delà la reconeissença de la qualitat del trabalh professional de la comunicacion, lo grand prèmi Cap’Com es un vertadièr observatòri de las tendéncias del sector.
 
Presidida per Emmanuelle Daviet, mediatritz de las antenas de Ràdio França, la jurada a tengut a saludar una “campanha justa e pertinenta, qu’arriba de revendicar una identitat sens tombar dins lo clivatge”. A mai, lo prèmi permet a l’occitan de beneficiar d’una notorietat estatala e de ganhar en visibilitat.
 
La campanha se presentèt lo mes de mai passat e se tenguèt pendent sièis meses. Un de sos elements mai remarcables es la tièra d’afichetas amb de mots en francitan plaçadas dins 52 garas de las regions nomenadas Occitània e Nòva Aquitània. L’a completada una campanha en linha amb un sit Internet (jemejettealoc.com) destinat a remosar totas la ressorsas e donadas disponiblas a prepaus de la lenga e de la cultura nòstras.
 
La campanha contunharà. Per 2022, serà adaptada e difusada dins los licèus, per tal de tocar las joves generacions e las acompanhar dins la descobèrta e l’aprendissatge de l’occitan. Dins un segond temps, la campanha serà declinada a l’escala locala. De nòus visuals seràn creats que prepausaràn de mots e expressions especificas als diferents territòris amb la tòca de refortir l’identificacion dels abitants amb l’occitan.

 
 
abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Plagiat Bis
13.

#8 E tanben l'eslogan publicitari esbrofaire "l'occitan bien plus qu'une langue" qu'es la copia confòrma de l'eslogan "Midi Libre bien plus qu'un journal".

  • 2
  • 0
Com\' Com\' Com\'
12.

#9 Es benlèu una victoria per l'OPLO mas saique pas per l'occitan. Son doas causas completament desparrièras.

  • 5
  • 0
Fèlis Amont-Naut
11.

#10 Aquò se pòt discutir, fectivament. Mas sem pas en pausicion de fòrça per far plegar lo monde.
Me sovèni pus qual disiá : "Quantas divisions ?"

  • 10
  • 4
Franc Bardòu
10.

#9 Tant que los dominats rasseguran los que los dominan, los dominators pòdon dormir tranquille dins lo lièit de lor fotut supremacisme deletèri que letal, que siá dins la guèrra a mòrt de las lengas, o dins las luchas socialas…

  • 15
  • 1
Fèlis Amont-Naut
9.

Res non es negre e o blanc.
Bramar per demandar còp-sec tot en occitan, per qué pas. Mas sèm pas plasses per èstre entenduts...
Se volèm far avançar lo schmilblick, se cal benlèu regaudir de quicòm que rassegura lo monde que se mesfisan, e que justament aqueste còp reconéisson la revendicacion de la nòstra identitat dins quicòm de constructiu e que rejeta pas deguns. Aital nos farà avançar un bocin mai.
Per avançar, primièr cal rassegurar, si que non sempre aurèm del monde defensiu que nos empacharà.
Es aital que las causas se bastiran, amb patiença e determinacion.

  • 25
  • 15

Escriu un comentari sus aqueste article