Bandièra01 1180x150: País Invisible

Actualitats

crotz-tolosaCreated with Sketch.GasconhaBearnPalés

Pau: se presentarà deman l’edicion 2022 de La Passem

La corsa pòrta la mobilizacion generala dins totas las vilas e vilatges que travèrsa, plens d’animacions en favor de la transmission de la lenga

Tèxte legit

L’associacion Ligams presentarà deman l’edicion 2022 de la corsa per la lenga occitana La Passem, un eveniment màger per la transmission de la lenga que pòrta la mobilizacion generala dins totas las vilas e vilatges que travèrsa, plens d’animacions.
 
La presentacion se tendrà a Pau, al tèrçluòc cultural La Ciutat, sus la plaça Recaborde a 17h. A mai, se poirà seguir en dirècte per videoconferéncia en clicant sus aqueste ligam.
 
La primièra edicion de La Passem se passèt amb grand succès en Bearn en 2018 e arribèt d’amassar 48 000 èuros que financèron uèch projèctes per la lenga occitana.
 
En 2020, èra previst que la corsa percorreguèsse Bearn, las Lanas e Bigòrra e mai tanben contunhèsse en Roergue, mas, a causa de la covid-19, se faguèt una version “confinada” mas amb una creativitat tala que, malgrat èsser fisicament separats, se capitèt a far de ligams dins lo Mond entièr.

















abonar los amics de Jornalet

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

JML
7.

#6 Vertat qu'ei! tecnicament, lo gascon qu'ei ua lenga a despart deus autes parlars occitans, lo quite Pèir Bec qu'ac disè, e los lingüistas seriós qu'ac disen tanben. Aquò dit, n'empacha pas de tribalhar amassas tà l'aviéner de lenga d'òc! Nat besonh d'impausar ua ideologia o ua lenga estandard qui seré la mort de la nosta diversitat! Hèm-ns'i amassa!

  • 7
  • 0
Joan Marc
6.

#5 Èra ni mai ni mens qu'una galejada per se trufar d'aqueles que nos repapian l'etèrna sansònha : lo gascon seriá pas una varianta de l'occitan mas una autra lenga !! Son contra l'occitan estandard mas per un gascon estandard

  • 0
  • 0
mich
5.

Las lengas gasconas???? mes d'on sòrt aquerò?????? A un moment cal arrestar la descona!

  • 4
  • 3
Joan Marc
4.

Demest las diferéncias entre l’occitan e LA GRANDA LENGA GASCONA i a lo mot ‘´ istòria ´´ que se ditz en LENGA GASCONA : istuèra. que se pòt ausir còp e quilha. Coma ditz lo provèrbi GASCON : cal mai un bon parisianisme qu’un òrre occitanisme.

  • 0
  • 9
Joan Marc
3.

#1 Tanben o cal faire per totas las lengas gasconas

  • 2
  • 1

Escriu un comentari sus aqueste article