Actualitats
Manuel Valls: “I pòt pas aver de pòble còrs, i a sonque un sol pòble, lo pòble francés”
A l’endeman de la mòrt d’Yvan Colonna, l’èx-primièr ministre rebutèt la cooficialitat de las lengas e totas las autras revendicacions del corsisme
Tèxte legit
Manuel Valls rebuta l’existéncia del pòble còrs. O diguèt net e clar dimars passat dins una entrevista a BFMTV: “I pòt pas aver de pòble còrs, i a sonque un sol pòble, lo pòble francés”. Dins aquel sens, l’èx-primièr ministre francés e èx-conselhièr municipal de Barcelona soslinhèt que l’unitat de França “es pas negociabla”. Per Valls, “téner compte de l’insularitat e del particularisme còrs, protegir una lenga e una cultura, aquò es fach, l’Universitat de Corti se creèt tanben per aquò fa longtemps, mas i a de linhas rojas”.
Tanben rebutèt la revendicacion de l’estatut de resident, una revendicacion del corsisme qu’empediriá de crompar un ostal abans cinc ans de vida dins l’illa. Aquí diguèt que i a pas doas categorias de franceses, mas que totes los franceses son egals.
Per quant a la lenga, Valls diguèt que i podiá pas “aver una cooficialitat de lengas, çò es metre al meteis nivèl lo còrs e lo francés” pr’amor que “i a sonque una lenga dins la Republica, es lo francés”.
Pertocant lo movement independentista còrs, Valls afortiguèt qu’una part d’aqueste èra violenta e que l’autra menaçava de tornar a la violéncia.
Aquelas declaracions, Manuel Valls las faguèt un jorn après la mòrt d’Yvan Colonna, que son agression mortala dins la preson d’Arle a causat de manifestacions de massa en Corsega e a unit lo sobeiranisme còrs dins de mobilizacions istoricas.
Après èsser primièr ministre de França, Valls faguèt de politica en Catalonha ont venguèt conselhièr municipal a Barcelona e se faguèt remarcar per son combat, de còps encanhat, contra l’independentisme catalan.
Tanben rebutèt la revendicacion de l’estatut de resident, una revendicacion del corsisme qu’empediriá de crompar un ostal abans cinc ans de vida dins l’illa. Aquí diguèt que i a pas doas categorias de franceses, mas que totes los franceses son egals.
Per quant a la lenga, Valls diguèt que i podiá pas “aver una cooficialitat de lengas, çò es metre al meteis nivèl lo còrs e lo francés” pr’amor que “i a sonque una lenga dins la Republica, es lo francés”.
Pertocant lo movement independentista còrs, Valls afortiguèt qu’una part d’aqueste èra violenta e que l’autra menaçava de tornar a la violéncia.
Aquelas declaracions, Manuel Valls las faguèt un jorn après la mòrt d’Yvan Colonna, que son agression mortala dins la preson d’Arle a causat de manifestacions de massa en Corsega e a unit lo sobeiranisme còrs dins de mobilizacions istoricas.
Après èsser primièr ministre de França, Valls faguèt de politica en Catalonha ont venguèt conselhièr municipal a Barcelona e se faguèt remarcar per son combat, de còps encanhat, contra l’independentisme catalan.
Manuel Valls: "Il ne peut pas y avoir de peuple corse, il n'y a qu'un seul peuple, le peuple français" pic.twitter.com/lMFG8xIyWg
— BFMTV (@BFMTV) March 22, 2022
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquel bogre voilà estre Clémenceau mai sembla Laval...
Los supremacistas francimands an taula obèrta dins los mèdias. A totes los nivèls. Vejatz l'Hénri Guéno, disqualificat après la cagada de discors racista que faguèt prononciar a Sarcòzy a Dakar. E quand, per qué que siá, nos donan la doctrina Chevènement. E aquela professora de letras sus France Kultur que vos ditz que los trobadors escrivián en ancian francés...
Los supremacistas francimands an taula obèrta dins los mèdias. A totes los nivèls. Vejatz l'Hénri Guéno, disqualificat après la cagada de discors racista que faguèt prononciar a Sarcòzy a Dakar. E quand, per qué que siá, nos donan la doctrina Chevènement. E aquela professora de letras sus France Kultur que vos ditz que los trobadors escrivián en ancian francés...
#5 Fòra subjècte.
Valls ? Mas que val la paraula amarganta d'aquel loser nevrosat qu'a jamai sauput ont penjar son lum ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari