Bandièra01 1180x150: La Passem

Actualitats

Politica

Valls acusat d’aver tuat l’esquèrra per un auditor de France Inter

L’èx-primièr ministre profiècha de la campanha electorala per ensajar de recuperar son prestigi politic

Tèxte legit

L’ex-primièr ministre francés Manuel Valls profiècha de la campanha de l’eleccion presidenciala per far una virada mediatica e ensajar de recuperar son prestigi politic. Totun, qualques unas de sas intervencions capitan mal; dins una entrevista a la ràdio France Inter, un auditor l’a ridiculizat en dirècte e l’a acusat d’aver traït l’esquèrra. A especialament remembrat qu’en 2019 manifestèt contra l’independentisme catalan al costat de Vox, un partit d’extrèma drecha espanholista.
 
“Foguèretz al poder pendent cinc ans amb Sénher Hollande, aviatz l’Assemblada Nacionala, lo Senat, las regions, los departaments, las grandas vilas e avètz vendut vòstre sèti perque sètz a la carrièra perque avètz traït lo pòble d’esquèrra. Alavetz, a mai, vos permetètz de dire que sètz d’esquèrra e aquò vos empachèt pas de desfilar al costat de Vox, partit d’extrèma drecha en Espanha. Doncas, vaquí, l’esquèrra morís e tròbi que deuriatz, benlèu, far un pauc d’autocritica car sètz vos qu’avètz tuat l’esquèrra”.
 




 
 
abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

ltrobat
7.

#6 La responsa que's pòt escotar ací:
https://www.youtube.com/watch?v=uBXZRDVz0xo

Que hè un dròlle de mus en tot respóner a l'auditor.

  • 5
  • 0
Desvari e Desvariats
6.

1) E per curiositat, podem saupre quina foguèt la responsa de Manolo ? 2) Per lo #2 que nos afortis sens rire que "Potin a tornat son onor a Russia", cal veire cossi : Chaples de Botchà, Kramatorsk, Mariopol..eca... Una concepcion de "l'onor" plan digna de Simon de Monfort o Pol Pot , mon brave Lachaud de pus en pus desvariat !

  • 8
  • 1
jOSEP DE LA TRINXERIA
5.

#2 Pron de politicaires professionnals (inclós sus JORNALET, se vos plai)) que an res fait de lor vida, levat de la politicalha, notadament contra los trabalhadors : Valls, Melenchón, eca
I a dins la vida vidanta, monde fòrça mei interressants que aquestes arlèris ...

  • 6
  • 2
Franc Bardòu
4.

#3 Es la dictatura auto-procalmanda de la finança internacionala, enaurant l'economia en subre de tota decision democratica locala, de tot debat politic, de tota orientacion politica, en subre de tota sobeiranetat participativa o representativa qu'a tuada l'esquèrra.

Los socialistas, eles an tuat lor partit en acceptant obèrtament aquò coma una fatalitat. La social-democracia non es mai ni sociala ni democratica. Una decision politica es mai que mai una decision economica, una responsa a la question fondamentala : cossís repartissèm las risquesas ? L'esquèrra es mòrt lo jorn qu'aquel questionament nos es estat confiscat arbitràriament, sense nos consultar electoralament.

Los Hollande, Jospin, Royal e autres Valls non son que de mariòls velhant a la mesa en plaça efectiva qu'aqueste sebeliment de las democracias.

  • 8
  • 0
Mai Republica es abordida mai legiférís !
3.

#2
Es l'esquèrra ela meteis que s'es destruzida dempuèi 40 annadas pauc a cha pauc, èra pas una volontat d'esquèrra primièra, mas fusquèc per costrenement (Contrainte -Raynouard).

Lo costrenement de damorar dins lo mond ont eron e de trestimblar pas del concert de las nacions en punta. Europa i ten una responsabilitat, benlèu mai granda.

Cal pas doblidar qu'europa es estada bastida pels banquièrs internacionals jos l'empencha dels americans, demest aquelses Jean Monnet, promotor de l'atlantisme e del liure escambi, considerat coma un dels paires d'Europa.

Se rementar que Walter Hallstein trabalhava dins l'empreza de la novèla europa (« Das Neue Europa »dels nazis) e que fusquèc president mentre nau ans de la CEE.

  • 3
  • 1

Escriu un comentari sus aqueste article