L’executiu francés e lo dels Emirats Arabis Units signèron dimars un acòrdi estrategic per entamenar d’accions de tèrme long de cooperacion dins lo sector de energia. La tòca es de provesir l’Exagòn de petròli e gas natural dels Emirats.
 
L’acòrdi lo signèt lo president francés, Emmanuel Macron, amb lo nòu president dels Emirats Arabis, lo sheikh Muhammad bin Zayed Al Nahian, dins sa primièra jornada de vesita a França.
 
Los dos govèrns prepausan de promòure d’iniciativas dins l’encastre de las energias renovelablas, del nuclear e de l’idrogèn, e la creacion d’un fons comun per finançar de projèctes d’energia duradissa.
 
Segon lo ministre francés de l’economia, Bruno Le Maire, l’acòrdi a una “dobla importància estrategica”, pr’amor que permetrà a França d’afrontar la dificultat d’accedir als recorses energetics e li donarà los mejans de contunhar de desvolopar sa politica de descarbonizacion.
 
La pojada dels prèses de l’energia e las sancions contra Russia an obligat qualques païses de l’Union Europèa d’entamenar de dialògs amb de païses de l’oèst d’Asia e del nòrd d’Africa per trobar de nòus provesiments energetics.

 

En matière de sécurité et défense, d’énergies et de technologies du futur, de culture et d’éducation ou encore de spatial, avec @MohamedBinZayed ce soir, le partenariat stratégique que nous renforçons va rapprocher plus que jamais les Émirats arabes unis et la France. pic.twitter.com/Qu4zo7TiAb

— Emmanuel Macron (@EmmanuelMacron) July 18, 2022

 

فرنسا صديق وحليف إستراتيجي لدولة الإمارات، تميزت علاقاتنا التاريخية بالمواقف الثابتة والتعاون المثمر في العديد من المجالات، واليوم أعبر عن سعادتي بزيارة باريس العريقة ولقاء صديقي الرئيس إيمانويل ماكرون .. ماضون في تعزيز هذه العلاقات نحو آفاق أكثر تنوعاً ونمواً وازدهارا. pic.twitter.com/Zf8fQkK7R5

— محمد بن زايد (@MohamedBinZayed) July 18, 2022