China intensifica las pluèjas artificialas per afrontar la secada sens precedent que la patís lo centre del país. De departaments meteorologics de las províncias d’Hubei e Hunan provòcan las pluèjas amb los diches “caçaires de nívols”, de fusadas que daissan en altitud de substàncias condensadoras coma lo iodur d’argent, çò qu’accelèra las precipitacions.
 
Aquela secada insolita es acompanhada d’un calimàs tanben inaudit qu’a provocat la suspension de l’activitat de nombrosas usinas a causa de l’aument de la demanda d’energia. La secada afècta tanben lo bacin del Flume Blau, lo Yángzǐ.
 
Gràcias als “caçaires de nívols”, dimècres passat de ser tombèt una abondosa pluèja sus Hubei qu’adociguèt las nautas temperaturas e aleugeriguèt la secada. Las fusadas èran previstas dempuèi lo 19 de julhet e sonque se pòdon lançar quand i a de nívols espesses d’almens 2 a 3 quilomètres.