Bandièra01 capçalera  1180x150: Novestivada

Actualitats

Una femna saudiana condemnada a 45 ans de preson per aver publicat sas opinions sus Twitter

Nurah bini Said Al Qahtani es acusada d’“aver romput l’estructura sociala del país e d’aver violat l’òrdre public”

| DAWN

Tèxte legit

Tornarmai una femna saudiana condemnada a la preson per aver publicat sas opinions sus Twitter. Un tribunal de l’Arabia Saudita a condemnat Nurah bin Said Al Qahtani (tanben transcrich Nourah bint Saeed al-Qahtani) a 45 ans de preson per “aver emplegat lo ret social per rompre l’estructura sociala del país e violat l’òrdre public”, segon de documents judiciaris consultats per una organizacion umanitària, çò rapòrta The Guardian.
 
Segon l’ONG DAWN, fondada pel jornalista assassinat Jamal Khashuqji,  la senténcia demòstra que las autoritats saudianas se son “enardidas” e “punisson la critica mai pichona de las criticas de sos ciutadans”.
 
Pauc de detalhs coneissèm sus Al Qahtani, quitament pas son edat o las circonstàncias de sas arrestacion e condemnacion. Mas la nòva de sa pena arriba qualques setmanas après la de Salma Ash Shahab (sovent transcrich Salma Al-Shehab) condemnada a 34 ans de preson per aver un compte sus Twitter e aver seguit e refiulat de messatges de dissidents e d’activistas pels dreches de las femnas.


 
 



abonar los amics de Jornalet

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
1.

No'n fotèm del moment que Macron lor vend de Miratges als emirs. Los dreches de las femnas ( de l'òme) esperaràn.
A nosautres, los miratges que nos fica jol nas lo novèl Amish son a gratis e a bodre.

  • 3
  • 0

Escriu un comentari sus aqueste article