Actualitats
Brasil: Lula ganha lo primièr torn mas Bolsonaro resistís e i aurà un segond torn
Bolsonaro, lo president actual, a obtengut mai de vòtes que los esperats pels sondatges
Tèxte legit
Lo candidat progressista Luiz Inácio Lula da Silva ganha lo primièr torn de l’eleccion presidenciala, amb mai del 48% dels vòtes. Ça que la, deurà afrontar l’ultradrechista Jair Bolsonaro al segond torn, puèi qu’aqueste a obtengut mai del 43% dels vòtes.
Los sondatges publicats quand se dobrissiá las urnas indicavan que Lula s’impausava per majoritat absoluda, amb lo 51,1% dels vòtes, e que seriá nomenat president dirèctament sens besonh de far un segond torn, mas lo comptatge a pas confirmat la projeccion. Mai que mai perque Bolsonaro, lo president actual, a obtengut mai de vòtes que los esperats.
A la tresena plaça es la candidata del Movement Democratic de Brasil (MDB), Simone Tebet (centredrecha), qu’a pena a atench un pauc mai que lo 4% dels vòtes. En quatrena posicion es Ciro de Gomas, candidat del Partit Democratic Laborista (centresquèrra).
Lula e Bolsonaro optimistas fàcia al segond torn
Lula a declarat qu’es convencut que ganharà lo segond torn. “Ai trenta jorns de mai per far campanha e per desvolopar melhor mas proposicions”, çò a dich lo candidat. “Diguèri ièr qu’a totas las eleccions voliái ganhar al primièr torn, mas es pas totjorn possible. Me motiva la cresença que res se passa pas per azard”, çò a apondut.
D’autre caire, Bolsonaro a dich tanben qu’a “fisança totala” en una victòria al segond torn de l'eleccion. Tanplan, a assegurat que los brasilièrs se son alçats contra “las messorgas dels sondatges” e qu'an demostrat qu’el a pro de sosten pel segond torn.
Podètz consultar los resultats del primièr torn sus aqueste ligam.
Los sondatges publicats quand se dobrissiá las urnas indicavan que Lula s’impausava per majoritat absoluda, amb lo 51,1% dels vòtes, e que seriá nomenat president dirèctament sens besonh de far un segond torn, mas lo comptatge a pas confirmat la projeccion. Mai que mai perque Bolsonaro, lo president actual, a obtengut mai de vòtes que los esperats.
A la tresena plaça es la candidata del Movement Democratic de Brasil (MDB), Simone Tebet (centredrecha), qu’a pena a atench un pauc mai que lo 4% dels vòtes. En quatrena posicion es Ciro de Gomas, candidat del Partit Democratic Laborista (centresquèrra).
Lula e Bolsonaro optimistas fàcia al segond torn
Lula a declarat qu’es convencut que ganharà lo segond torn. “Ai trenta jorns de mai per far campanha e per desvolopar melhor mas proposicions”, çò a dich lo candidat. “Diguèri ièr qu’a totas las eleccions voliái ganhar al primièr torn, mas es pas totjorn possible. Me motiva la cresença que res se passa pas per azard”, çò a apondut.
D’autre caire, Bolsonaro a dich tanben qu’a “fisança totala” en una victòria al segond torn de l'eleccion. Tanplan, a assegurat que los brasilièrs se son alçats contra “las messorgas dels sondatges” e qu'an demostrat qu’el a pro de sosten pel segond torn.
Podètz consultar los resultats del primièr torn sus aqueste ligam.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari