Xi Jinping a anonciat dins una conferéncia de premsa qual seràn los membres del Comitat Permanent del burèu del Partit Comunista de China. L’organ suprèm de poder del país es estat fòrça restructurat e ara la granda majoritat dels membres son de pròches de Xi Jinping que, a mai, s’es assegurat la reeleccion per un tresen mandat, en tot rompre aital la tradicion.
 
Demest los nòus membres de la direccion cal remarcar lo cap del partit a Shanghai Li Qiang, conegut per sa leialtat envèrs Xi Jinping e per sa supervision dels estrictes contraròtles de covid-19 al començament de l’an; Wang Huning, considerat coma l’ideològ de Xi e lo creator de las idèas nacionalistas e expansionistas modèrnas de China; Ding Xuexiang, un dels foncionaris del partit que trabalha mai près de Xi Jinping cada jorn, e Cai Qi, un vièlh amic de Xi qu'a fach parallèlament carrièra dins lo partit.