Actualitats
Nimes rendrà omenatge a Jòrgi Gròs
Lo 10 de decembre que ven a partir d’11 oras a la Placeta e al Pichòt Teatre
Tèxte legit
Lo 10 de decembre que ven a 11 oras, se farà un omenatge a Jòrgi Gros sus la Placeta de Nimes amb l’inauguracion d’una placa sus la faciada del Pichòt Teatre en preséncia del cònsol màger, Jean Paul Fournier, e de sas filhas Lisa Gròs e Martina Gròs-Aguilera.
Après los parladisses del cònsol, de Lisa e de la felena de Jòrgi Gròs, Claudina paul, Delfina Aguilera a sa filha Loucia cantaràn una cançon e la comuna ofrirà un aperitiu. Seguirà un concèrt del grop Cabifòl dins lo Pichòt Teatre de la Placeta, que comprendrà de cançons escrichas per Jòrgi Gròs.
Jòrgi Gròs nos quitèt lo 16 de febrièr de 2018 a l’edat de 95 ans. Amic personal del pedagòg occitan Celestin Freinet, Jòrgi Gròs foguèt un grand regent e vulgarizaire de sas tecnicas. E mai, son amor per la lenga occitana faguèt avançar l’educacion en lenga nòstra. Ara, una de las doas calandretas de Nimes ten son nom.
Gròs cresquèt en 1922 a Nimes al sen d’una familha occitanofòna. En aquel temps èran fòrça popularas las faulas e los poèmas d’Antòni Bigòt. Tot aquel encastre influencièt Jòrgi Gròs dins sa creacion literària ont podèm soslinhar Lo batèu de pèira (1984), Còntes de la Fònt de Nimes (1997) e Lei bugadieras blavas (2014). Sos contes son per la màger part destinats als dròlles mas fòrça s’adreiçan a un public adulte.
Après los parladisses del cònsol, de Lisa e de la felena de Jòrgi Gròs, Claudina paul, Delfina Aguilera a sa filha Loucia cantaràn una cançon e la comuna ofrirà un aperitiu. Seguirà un concèrt del grop Cabifòl dins lo Pichòt Teatre de la Placeta, que comprendrà de cançons escrichas per Jòrgi Gròs.
Jòrgi Gròs nos quitèt lo 16 de febrièr de 2018 a l’edat de 95 ans. Amic personal del pedagòg occitan Celestin Freinet, Jòrgi Gròs foguèt un grand regent e vulgarizaire de sas tecnicas. E mai, son amor per la lenga occitana faguèt avançar l’educacion en lenga nòstra. Ara, una de las doas calandretas de Nimes ten son nom.
Gròs cresquèt en 1922 a Nimes al sen d’una familha occitanofòna. En aquel temps èran fòrça popularas las faulas e los poèmas d’Antòni Bigòt. Tot aquel encastre influencièt Jòrgi Gròs dins sa creacion literària ont podèm soslinhar Lo batèu de pèira (1984), Còntes de la Fònt de Nimes (1997) e Lei bugadieras blavas (2014). Sos contes son per la màger part destinats als dròlles mas fòrça s’adreiçan a un public adulte.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'omenatge fuguèt rendut lo 10/12 e fuguèt un moment bèu. Mai de cent personas èran presentas.
Presas de paraulas per Claudina Paul-Gros (felena), Lisa Gròs (filha) e JP Fournier Cònsol de Nimes puèi 2 cançons per Delfina Aguiléra (felena) e sa filha Loucia sus la Placeta aimada de Jòrgi Gròs.
L'aperitiu fuguèt ofèrt per la comuna e seguit per un concèrt de Cabifòl (Pascal Marconato e Idelette Rochat, cars amics de Jòrgi Gròs) au Pichòt teatre de la Placeta ont'ara es plaçada la placa comemorativa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari