Bandièra01 capçalera  1180x150: Novestivada

Actualitats

crotz-tolosaCreated with Sketch.GasconhaVal d'AranCastièro

Lo burèu del Parlament de Catalonha s’es amassat pel primièr còp en Aran

La sindica d’Aran aprofechèt l’escasença istorica per reclamar un debat parlamentari sus l’usatge e l’aprendissatge de las lengas oficialas dins l’educacion

| Conselh Generau d\'Aran

Tèxte legit

Lo burèu del parlament de Catalonha s’amassèt en Aran dimècres passat a la sedença del govèrn del Conselh General, per demostrar “l’engatjament” del parlament pel territòri, segon sa primièra vicepresidenta, Alba Vergés. La sindica d’Aran, Maria Vergés, aprofechèt l’escasença istorica per reclamar un debat parlamentari per modificar la Lei 8/2022 sus l’usatge e l’aprendissatge de las lengas oficialas dins l’educacion en Catalonha e Aran. Es, per tant, probable que lo debat se tenga dins la sesilha parlamentària venenta dels 24, 25 e 26 de genièr.
 
Lo 2 de novembre, la session extraordinària del Conselh General d’Aran o aviá demandat a l’unanimitat, e aital presentèt una iniciativa legislativa al Parlament de Catalonha per modificar aquela lei.
 
En julhet de 2022 passat, après l’aprobacion de la lei adès mençonada, lo govèrn aranés e los representants de las escòlas  del país occitan mostrèron lor indignacion en tot denonciar que la lei considerava pas l’aranés coma lenga veïculara; lo govèrn de la Generalitat respondèt que l’occitan d’Aran demorava plenament lenga veïculara de l’educacion.
 
 
 
abonar los amics de Jornalet

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article