Bandièra01 capçalera  1180x150: Novestivada

Actualitats

crotz-tolosaCreated with Sketch.GasconhaVal d'Aran

Era Generalitat de Catalonha arrespon ara sindica d’Aran

En seguida dera declaracion de protèsta, eth govèrn catalan assegure qu’er aranés demore pleament lengua veïculara ena educacion

Eth govèrn dera Generalitat de Catalonha assegure qu’er aranés manten completament eth caractèr de lengua veïculara dera educacion en Aran segons era naua lei dera educacion de Catalonha. Ac ditz en ua letra enviada ara sindica d’Aran, Maria Vergés, en responsa ara declaracion institucionau que hèc eth Conselh Generau d’Aran diuendres passat en tot arrefusar eth tractament qu’arrecep er occitan aranés en aquera lei.
 
Ena letra, que la publique Vilaweb, era conselhièra Laura Vilagrà arreconeish “eth silenci dera lei en aguest punt”, mès sosten, totun, qu’er occitan  “manten pleament eth caractèr de lengua veïculara der ensenhament, coma ac preven exprèssament era Lei d’Educacion de Catalonha, era Lei der Occitan, Aranés en Aran, e eth Decret Lei 6/2022, deth 30 de mai, a on se fixen es critèris aplicables ara elaboracion, era aprobacion, era validacion e era revision des projèctes lingüistics des centres educatius.”
 
Per tant, Vilagrà afirme que “non i a arrepè, ne regression ne cap de cambiament que vage en perjudici deth caractèr der aranés coma lengua veïculara der ensenhament.” E ahig: “Eth caractèr veïcular der aranés en ensenhament a de demorar exprèssament exprimit en desplegament reglamentari deth regim lingüistic previst en Lei d’Educacion de Catalonha qu'impulse eth departament competent, eth quau tanben hè a constar eth caractèr veïcular der aranés, de manèra indobtabla”.
 
Autanplan, era letra clarifique ara sindica qu’en Decret Lei 6/2022, deth 30 de mai, eth govèrn dera Generalitat arreconeish exprèssament eth caractèr veïcular der aranés, coma ac publicàuem dissabte passat en Jornalet.
 
 
Eth PSC considerèc que non calie inclòir er aranés ena lei
 
Segons era agéncia d’informacions ANC, siguèc eth Partit Socialista (PSC) eth partit que considerèc que non calie inclòir er aranés coma lengua veïculara ena lei, aprovada peth Parlament de Catalonha eth 9 de junh passat. Eth Conselh Generau d’Aran ei governat ara per Unitat d’Aran, qu'ei era formacion filiau deth PSC ena Val d’Aran.

 
 
 
 
abonar los amics de Jornalet

 

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

JMP
1.

E disen enqüèra 'aranés'' en Aran entà nomar la lor lenga? Qu'ei estranh...

  • 6
  • 3

Escriu un comentari sus aqueste article