Bandièra01 capçalera  1180x150: Novestivada

Actualitats

Lo govèrn espanhòl anóncia la fin de la dispersion dels presonièrs bascos

Pendent mai de 30 ans los presonièrs ligats a ÈTA son estats escampilhats, contra la lei, dins de presons luènchas del Bascoat

Tèxte legit

Lo Ministèri de l’Interior espanhòl a mes lo ponch final a la politica d’escampilhada dels presonièrs d’ÈTA dins las presons de l’estat: autoriza enfin lo desplaçament d’Irantzu Gallastegi Sodupe, escaissada Amaia, de Gregorio Escudero Balerdi, d’Asier Borrero Toribio, de Garikoitz Etxeberria Goikoetxea e de Faustino Marcos Álvarez.
 
Aital Jaione Jauregui ven la sola dels 176 membres d’ÈTA encara encarcerada dins l’estat espanhòl: es pas estada menada al Bascoat, e demòra en preson preventiva a Madrid, après son extradicion de Belgica.
 
Los raprochaments de presonièrs comencèron en 2018, amb l’arribada del govèrn espanhòl de Pedro Sánchez. Lo Ministèri de l’Interior del país explica que la fin de la dispersion complís la legislacion penitenciària. Una legislacion, ça que la, que l’avián pas observada las autoritats espanhòlas dempuèi mai de 30 ans malgrat las revendicacions dels parents dels presonièrs, de las associacions de sosten a las familhas e del basquisme en general. De soslinhar qu’ara lo govèrn de Pedro Sánchez a de besonh dels vòtes dels basquistas al Congrès dels Deputats per poder far aprovar de leis.

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article