Bandièra01 1180x150: Comuna de Tolosa

Actualitats

Concors d’estiu de Jornalet

Mandatz-nos las vòstras fotografias amb lo tèma “Jornalet e tu”

| Giles Antonio Radford
Jornalet a enregat lo concors de fotografias de l’estiu. Aqueste còp lo tèma es “Jornalet e tu”.
 
L’idèa nos es arribada mercés a un lector que nos mandèt una fòto presa a Baiona (Bas Ador) ont se vesiá un pegasolet de Jornalet empegat endacòm dins una carrièra.
 
Mandatz-nos las vòstras fòtos en legissent lo Jornalet en cò vòstre o en vacanças, en ne fasent la promocion, en empegant un pegasolet endacòm…
 
La fòto mai originala recebrà un lòt de produches de Macarèl.
 
 
Ajudatz-nos a far de promocion
 
Ongan avèm fach un nòu modèl de pegasolet, que poiretz trobar a l’estand de la FIMÒC a l’Estivada de Rodés, es fòrça mai grand e mai polit. Venètz ne quèrre e empegatz-los per tot lo país.
 
Qu’avèm tanplan editat de bons de sosten. Podètz crompar de bons de 5, 10 o 20 èuros per sosténer aqueste mèdia. Se volètz de chequièrs de bons per los vendre dins vòstra associacion, local social, estanquet o endacòm, ne podètz quèrre a l’estand de l’Estivada o los comandar e los vos mandarem per pòsta.
 
 
La publicitat
 
Tanben o podètz dire als vòstres amics que fan de vin, de formatges, de produches del país; a aqueles qu’an un lotjament, una aubèrga, una ostalariá; o a qui que siá, que la publicitat sus Jornalet lor farà de ben. Mai de 700 legeires, que focalizan lo lor interès vèrs tot çò que se passa en Occitània, que legisson e comentan cada jorn las nòvas e las opinions sus Jornalet.
 
De fach, legisson aqueste jornal numeric de milièrs de personas que meton en valor la lenga d’òc, e tanplan los produches e l’atencion al client en occitan; d’occitanofòns e de non-occitanofòns que valorizan una actitud de respècte del país, al delà de la lenga.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Julian
2.

Ai una idèa de las belas per la fòto!

  • 4
  • 2
C.
1.

"un lòt de produches de Macarèl ", "produches del país ", que valorizan una actitud de respècte del país". .... ....
Made in China , com los que ja crompèri ?

  • 8
  • 2

Escriu un comentari sus aqueste article