Actualitats
Trobalha excepcionala de mongetas de Bossòst al sègle XIV
Aquel Phaseolus aranensis se cultivava dins los òrts de Gaston Fèbus. La descobèrta met en question l’origina americana de las mongetas
Tèxte legit
L'Universitat de Pau e del País d’Ador, en collaboracion amb d’autras institucions, ven de descobrir de rèstas d’un centre agricòla del sègle XIV de la cort de Gaston Fèbus, amb de rèstas d’ADN d’una espècia de mongeta que coïncidís exactament amb la varietat de Bossòst, en Aran. Los scientifics an prepausat de nomenar aquela varietat Phaseolus aranensis, per referéncia explicita a la varietat aranesa d’aquela mongeta. Çò de mai estonant dins la trobalha es sa datacion de la segonda mitat del sègle XIV, çò que met en question l’origina americana de las mongetas e demòstra, un còp de mai, l’universalitat de l’occitanitat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E deth milhòc, qu'eth nòm ei ben occitan, aranés en Aran, non se'n ditz arren? Non ère cap present en Aran e en tota era Gasconha vertadèra deth temps de Gaston Fèbus? Ei estranh qu'er occitan utilize paraules molt occitanes tà designar ua planta que mos diguien qu'arribarie d'America, non? Non serie ua auta falsificacion dera nòsta gloriosa istòria?
Que i a bèra pausa qu'a noste las aprestam dab peish.
Ac saben plan les istoriadors, que las monjas, mongetas, favòls, son occitans que, sens aquò, cossí s'explicariá que les nòstris catars se'n fasquèssen la mongetada o le caçolet? Encara una part de la nòstra istòria amagada, causa que nos cal denonciar publicament. Coma, tanplan, cal pas desabrembar que Cristóbal Colón èra pas que le bearneso-foishenco-aranés Cristau Colom qu'es el que, en realitat, introdusisquèc las monjas en America abans que nos las tornèssen en Euròpa.
Òsca, Jornalet, per denonciar aquela grossièra falsificacion de l'istòria que, uèi, fasiá frèita.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari