Actualitats
La banca que legiguèt pas çò qu’èra escrich en tot petit
Un rus rescriguèt lo contracte de la carta de crèdit
Imaginatz-vos una carta de credit amb un taus d’interès de 0%, cap de comission e sens limit de crèdit. Al delà de tot aquò, imaginatz-vos que, se la banca complís pas las condicions del contracte, vos deu compensar amb tres milions de robles, aperaquí 68 400 èuros. Mai encara. Imaginatz-vos que se la banca vos voliá anullar vòstre contracte, vos deuriá indemnizar amb sièis milions de robles, mai de 136 000 èuros.
Lo ciutadan rus Dmitri Argarkov, a sos 42 ans, capitèt aquelas condicions amb la banca Tinkoff Sistèmas de Crèdit. Simplament aprofechèt que los emplegats de la banca fasián pas atencion.
Segon publicavan divendres qualquesmèdias, Argarkov recebèt en cò sieu una lètra de la banca Tinkoff. Argarkov legiguèt plan las condicions del contracte que la banca li ofrissiá e las decidiguèt cambiar. Escanerizèt los documents que recebèt, e amb l’ordenador cambièt las condicions del contracte, segon las condicions mençonadas adès. Mandèt lo contracte a la banca que lo legiguèt pas, mas que lo signèt, e envièt una carta de crèdit a Argarkov.
Argarkov empleguèt plan la carta, faguèt de crompas per la valor de 433 èuros que paguèt pas. La banca ensagèt d’anullar lo contracte amb Argarkov e li reclamèt los 433 èuros e mila èuros de mai per las cargas e comissions escichas dins la primièra version del contracte. Argarkov lor faguèt veire que lo contracte qu’avián signat èra pas çò que la banca cresiá. L’afar es arribat als tribunals.
La setmana passada, un jutge rus donèt rason a Argarkov, que deurà solament pagar los 433 èuros de sas crompas amb la carta. Los de la banca “diguèron çò que dison normalament los empruntaires als jutjaments: «o legiguèrem pas»”, çò declarèt l’avocat d’Argarkov, Dmitri Mikhalevich, segon lo jornal Russia Today.
A l’ora d’ara, Argarkov demanda que la banca Tinkoff li pague 24 milions de robles per ensajar d’anullar lo contracte. Mas la banca se reconeis pas vencuda. Oleg Tinkov, lo fondador de la banca, diguèt dijòus passat sus Twitter que los avocats de la banca “creson qu’atenherà pas los 24 milions, mas quatre annadas dins la preson per fraudariá. Es ara una question de principis per @tcsbank (Tinkoff Sistèmas de Credit)”.
Lo ciutadan rus Dmitri Argarkov, a sos 42 ans, capitèt aquelas condicions amb la banca Tinkoff Sistèmas de Crèdit. Simplament aprofechèt que los emplegats de la banca fasián pas atencion.
Segon publicavan divendres qualquesmèdias, Argarkov recebèt en cò sieu una lètra de la banca Tinkoff. Argarkov legiguèt plan las condicions del contracte que la banca li ofrissiá e las decidiguèt cambiar. Escanerizèt los documents que recebèt, e amb l’ordenador cambièt las condicions del contracte, segon las condicions mençonadas adès. Mandèt lo contracte a la banca que lo legiguèt pas, mas que lo signèt, e envièt una carta de crèdit a Argarkov.
Argarkov empleguèt plan la carta, faguèt de crompas per la valor de 433 èuros que paguèt pas. La banca ensagèt d’anullar lo contracte amb Argarkov e li reclamèt los 433 èuros e mila èuros de mai per las cargas e comissions escichas dins la primièra version del contracte. Argarkov lor faguèt veire que lo contracte qu’avián signat èra pas çò que la banca cresiá. L’afar es arribat als tribunals.
La setmana passada, un jutge rus donèt rason a Argarkov, que deurà solament pagar los 433 èuros de sas crompas amb la carta. Los de la banca “diguèron çò que dison normalament los empruntaires als jutjaments: «o legiguèrem pas»”, çò declarèt l’avocat d’Argarkov, Dmitri Mikhalevich, segon lo jornal Russia Today.
A l’ora d’ara, Argarkov demanda que la banca Tinkoff li pague 24 milions de robles per ensajar d’anullar lo contracte. Mas la banca se reconeis pas vencuda. Oleg Tinkov, lo fondador de la banca, diguèt dijòus passat sus Twitter que los avocats de la banca “creson qu’atenherà pas los 24 milions, mas quatre annadas dins la preson per fraudariá. Es ara una question de principis per @tcsbank (Tinkoff Sistèmas de Credit)”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari