Bandièra01 1180x150: Comuna de Tolosa

Actualitats

Jornalet prepausa per aquesta davalada un concors de recèptas

| Omid Tavallai
Arriba lo freg e, amb el, los campairòls, las castanhas, los caulets, las cogordas; se tua lo pòrc, etc. Es lo temps dels plats cauds de la deliciosa gastronomia occitana. Es pr’amor d’aquò qu’aquesta tardor, Jornalet vos prepausa un concors de recèptas de cosina.

Pòdon èsser d’intradas, de sopas, d’ensaladas, de carns, de peisses, de dessèrts... de plats d’auton, de Nadal, de fèsta, de cada jorn. Los animalistas nos pòdon far lega amb lors elaboradas recèptas vegetarianas, e los mai animals amb lors civièrs.

Per participar sonque vos cal mandar una recèpta, siá tradicionala del país vòstre, siá d’endacòm mai, o ben de creacion pròpria, acompanhada d’un imatge del plat per nos far lega. Lo ganhant aurà coma prèmi un lòt de produches Macarèl.

Serà polit de comparar las recèptas dels divèrses païses occitans.

Mandatz las recèptas e las fòtos per e-mail a info(a)jornalet.com

Bon apetís!

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Maria
3.

I a una data limita per aquel concors ?

  • 0
  • 0
jp la rapieta
2.

Dins lu temps, i aviá la mameta per balhar las recetas e far l'esducaci' daus goiassons,
Autravetz, i aviá daus libres per aprener e se desbrolhar,

Aura, nos fau lu tialadís mondiau, afè, es entau :
http://rapieta.wordpress.com/tag/minjarquodaqui/

Jp lu vielh cobilh
:)

  • 7
  • 0
Laurenç
1.

Aquí una idèa de las bonas ! M'agrada pr'amor que topinegi pas gaire o alavetz sabi pas qué far a l'ostal. Me languissi de legir las diferentas recèptas d'Occitània (e mai que mai las que coneissi pas).

  • 6
  • 0

Escriu un comentari sus aqueste article