Bandièra01 capçalera  1180x150: Novestivada

Actualitats

Jornalet a recebut lo sagèl CIC d’engatjament etic

Jornalet recebèt ièr dimars lo sagèl d’engatjament etic que l’autreja lo Conselh de l’Informacion de Catalonha (CIC). Aquel sagèl certifica l’independéncia e lo seriós d’aqueste jornal que sètz a legir.
 
Lo CIC velha per la qualitat d’informacion e per que los mèdias respècten lo còde etic e deontologic del Collègi dels Jornalistas de Catalonha. A tanben la foncion de canalizar las denóncias e d’arbitrar entre planhent e mèdia. Dins aquel sens lo CIC a gerit mai de 600 denóncias dempuèi sa fondacion en 1977.
 






_____
Vidèo: Roger Jiménez, president del CIC, presenta lo sagèl d’engatjament etic

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Barcelona
9.

Òsca! Felicitats!

  • 5
  • 0
Laurenç Gavotina
8.

Fa de ben dins l'occitanisme d'èstre rengraciat per lo siu trabalh. E sio ben content per tu Ferriòl de veire que lo tiu pacient e discret trabalh a permés a jornalet.com d'èstre remarcat. Es qu'un primier pas, que penso de segur que lo camin serà lòng, interessant e plen d'autres rescòntres motivants ! Una reconoishença ben ameritaa. Brau ! N'i aurà d'autras ne'n sio segur.

  • 9
  • 0
Bilo
7.

Jornalet.com es lo primier mèdia occitan interactiu. Gràcia a el, enfin los occitanistas de totas las sensibilitats de pòlon exprimir. A mai, per la siu gratuïtat, los occitans e quitament lo monde entier pòlon venir se demandar ce que se pensa en occitan ancuei e aüra. Un simple mot per vos dire : GRAND MERCéS JORNALET !

  • 9
  • 0
Terric Lausa Quilhan
6.

Felicitacions lo Ferriòl!
Aquesta recompensa es tiva abans de tot!

  • 11
  • 0
posca de pertot Montpelhièr
5.

Òsca lo Jornalet ! Per aquel brave sagèl plan meritat atal per la qualitat de l'informacion e lo respèct de las idèias e de las personas. Nos cal contunhar lo camin del reviscòl de la lenga e de la cultura nòstras e non doblidar çò que disia CASTAN: "La pensada d' oc es totalament virada vèrs los autres, aquò es sa generositat ". De meditar a l'ora d'ara ...

  • 8
  • 0

Escriu un comentari sus aqueste article