Actualitats
Lo bretonista Christian Troadec se poiriá presentar a la presidenciala
Lo pòrtavotz dels bonets roges crei que “cal brigalhar lo carcan jacobin” e “que i a una oportunitat dins los tres ans que venon d’i poder arribar”
Christian Troadec, lo cònsol de Karaez (Bretanha), e figura emblematica dels bonets roges, se ditz “temptat” per una candidatura a la presidenciala de 2017, per far avançar la causa bretonista, çò afirmèt dimenge passat a Mediapart. “La presidenciala, aquò me tempta. Soi seriós…”, çò diguèt. “Aver una candidatura regionalista a la presidenciala de 2017 me sembla quicòm de pertinent”, çò apondèt lo cònsol bretonista a l’AFP, segon d’informacions de Le Point.
“Los regionalistas an sovent sostengut de candidaturas, mas d’una candidatura estrictament regionalista me’n remembri pas, es doncas lo moment”, çò assegurèt lo cònsol breton, un dels principals responsables del grop Viure, Decidir e Trabalhar en Bretanha, a l’origina del movement dels bonets roges, qu’a organizat lo mes passat doas grandas manifestacions bretonistas contra l’imposicion de l’ecotaxa e per l’economia del país.
“Quand vesèm uèi de regions e de departaments amb una fòrta idenditat dins l’Exagòn, pensi que i auriá tota legitimitat a ensajar d’èsser candidat a la presidenciala per far valer las nòstras idèas”, çò expliquèt, en soslinhant que “de verai cal brigalhar lo carcan jacobin e cresi que i a una oportunitat dins los tres ans que venon d’i poder arribar”.
De fach, Troadez considèra que “cal una granda reforma institucionala e administrativa en França, se vei qu’aquò fonciona pas mai, es un sistèma que vira vuèg”, e planh que França siá “un dels darrièrs estats talament centralizats en Euròpa”.
Sus aquela question, Troadec diguèt ja en son discors que “cal inventar un governatge regional novèl”.
Christian Troadec, cònsol independent de Karaez, portèt la novetat a las darrièras eleccions cantonalas amb l’aparicion d’un partit d’esquèrra bretonista, lo Movement Bretanha Progrès (MBP), que revendica l’emancipacion de Bretanha.
“Los regionalistas an sovent sostengut de candidaturas, mas d’una candidatura estrictament regionalista me’n remembri pas, es doncas lo moment”, çò assegurèt lo cònsol breton, un dels principals responsables del grop Viure, Decidir e Trabalhar en Bretanha, a l’origina del movement dels bonets roges, qu’a organizat lo mes passat doas grandas manifestacions bretonistas contra l’imposicion de l’ecotaxa e per l’economia del país.
“Quand vesèm uèi de regions e de departaments amb una fòrta idenditat dins l’Exagòn, pensi que i auriá tota legitimitat a ensajar d’èsser candidat a la presidenciala per far valer las nòstras idèas”, çò expliquèt, en soslinhant que “de verai cal brigalhar lo carcan jacobin e cresi que i a una oportunitat dins los tres ans que venon d’i poder arribar”.
De fach, Troadez considèra que “cal una granda reforma institucionala e administrativa en França, se vei qu’aquò fonciona pas mai, es un sistèma que vira vuèg”, e planh que França siá “un dels darrièrs estats talament centralizats en Euròpa”.
Sus aquela question, Troadec diguèt ja en son discors que “cal inventar un governatge regional novèl”.
Christian Troadec, cònsol independent de Karaez, portèt la novetat a las darrièras eleccions cantonalas amb l’aparicion d’un partit d’esquèrra bretonista, lo Movement Bretanha Progrès (MBP), que revendica l’emancipacion de Bretanha.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 « Troadec evòca Occitània e las altras nacions de la Republica. » La Republica, aquò existiís pas. I sonque republicas. E cada nacion, definida per sa lenga, ne pòt alestir una. Una republica a pas jamai agut besonh d'estar exagonala per anar republicana…
Lo tipe es simpatic e podria representar per la presidenciala (mas tanben, sus lo model de Bastir, per las legislativas) una mança regionalista e descentralizatritz. Mas mon problema qu'es mai que mai la politica defenduda. "l’economia del país" ditz lo texte. Mas quala economia ? Una economia agricola d'exportacion tras lo Terç Monde, polluaira, jos perfusion de l'Estat o de l'Euròpa ?
Ai pas legit las proposicions dau governament per Bretanha. Quò seria interessant de ne'n far l'analisi per veire çò que lo movement daus bonets roges vòu vertadierament dau punt de vuda economic.
Seria al mens un candidat que lo podriai votar e far votar per èl ..... quitament se sabèm que serà pas qualificat ... e anar a la pesca lo jorn de la granda finala per designar lo que serà Rèi de França e de sas colonias per 5 ans de temps
En tot lo cas, me ramenti que nos venguèt visitar un jorn a l'Ostau, a l'improvista e que sequeriam quauquei gòts ensems. Un òme simpatic e sincèr dins seis engatjaments en favors dei lengas "regionalas".
Sembla fòrça une oportunitat istorica, que la lucha contra lo fiscalisme d'Estat es una bomba. Dins lo Figarò, Troadec evòca Occitània e las altras nacions de la Republica.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari