Aquesta dimenjada permetiá al calendièr del campionat d’Elèit 1 de XIII de se metre a jorn.
La victòria contra Lesinhan aviá balhat vam als sostens de l’AS Carcassona que presentava la meteissa esquipa per reçaupre Avinhon. Mas, aqueste dissabte de vèspre, calguèt lèu tornar a la realitat: la formacion jauna e negra, fàcia a una esquipa jogaira e sens complèxes, perdèt pichon a pichon son jòc: dos jogaires sus una candela qu’agafan pas la pauma e que butan lo jogaire d’Avinhon; ensag de penalitat pels provençals; una error de defensa sus sortida de mesclanha e l’arrièr Arnaud se paga una corsa de 70 mètres per marcar. A la pausa, los vesitaires menan 12-6. Aprèp un ensag d’Aitken (57a), una penalitat de Gressèque met las doas esquipas a egalitat a dètz minutas de la fin. Lo jove pilar Banquet marca als pès dels pals e Gressèque transforma; demòran cinc minutas de jòc. Sus la darrièra accion, lo mesclanha avinhonenc escarta la pauma e lo centre Romano punta dins lo canton. Lo pè de Gigòt tremòla pas, Avinhon arranca l’egalitat: 18-18 e complica lo camin de la qualificacion dels Canaris cap a la pola dels As.
Dimenge, al Molin, l’esquipa dels Dragonets se mostrèt mai dinamica que los locals en prepausant un jòc totjorn en moviment e unes sostens permanents als portaires de la pauma. Victòria logica dels catalans: 20-8. Los locals s’acontentan del punt de bònus defensiu mercé a un ensag en tota fin de partida alara que lo Dragonets jogavan a 11 (dos cartons jaunes).
A tres jornadas de la fin de la primièra fasa, es clar que Limós, los Dragonets e Tolosa se son dobèrt lo camin cap a la pola dels As. La quatrena plaça se jogarà entre Lesinhan e l’AS Carcassona que se traparàn al Molin lo 19 de genièr.
Per la primièra dimenjada de 2014, son al programa per dissabte lo revenge Dragonets-Lesinhan (a Sant Estève, 15h30) e Avinhon-Limós (16h30), e per dimenge Tolosa-Vilanuèva (15h30) e Carcassona-Palau (16h). 20XIII s’acaba, mas que 2014 contunhe de virar oval e de vos trapar de mai en mai nombroses a seguir aquesta cronica tretzista dins Jornalet!
Alan Roch
La victòria contra Lesinhan aviá balhat vam als sostens de l’AS Carcassona que presentava la meteissa esquipa per reçaupre Avinhon. Mas, aqueste dissabte de vèspre, calguèt lèu tornar a la realitat: la formacion jauna e negra, fàcia a una esquipa jogaira e sens complèxes, perdèt pichon a pichon son jòc: dos jogaires sus una candela qu’agafan pas la pauma e que butan lo jogaire d’Avinhon; ensag de penalitat pels provençals; una error de defensa sus sortida de mesclanha e l’arrièr Arnaud se paga una corsa de 70 mètres per marcar. A la pausa, los vesitaires menan 12-6. Aprèp un ensag d’Aitken (57a), una penalitat de Gressèque met las doas esquipas a egalitat a dètz minutas de la fin. Lo jove pilar Banquet marca als pès dels pals e Gressèque transforma; demòran cinc minutas de jòc. Sus la darrièra accion, lo mesclanha avinhonenc escarta la pauma e lo centre Romano punta dins lo canton. Lo pè de Gigòt tremòla pas, Avinhon arranca l’egalitat: 18-18 e complica lo camin de la qualificacion dels Canaris cap a la pola dels As.
Dimenge, al Molin, l’esquipa dels Dragonets se mostrèt mai dinamica que los locals en prepausant un jòc totjorn en moviment e unes sostens permanents als portaires de la pauma. Victòria logica dels catalans: 20-8. Los locals s’acontentan del punt de bònus defensiu mercé a un ensag en tota fin de partida alara que lo Dragonets jogavan a 11 (dos cartons jaunes).
A tres jornadas de la fin de la primièra fasa, es clar que Limós, los Dragonets e Tolosa se son dobèrt lo camin cap a la pola dels As. La quatrena plaça se jogarà entre Lesinhan e l’AS Carcassona que se traparàn al Molin lo 19 de genièr.
Per la primièra dimenjada de 2014, son al programa per dissabte lo revenge Dragonets-Lesinhan (a Sant Estève, 15h30) e Avinhon-Limós (16h30), e per dimenge Tolosa-Vilanuèva (15h30) e Carcassona-Palau (16h). 20XIII s’acaba, mas que 2014 contunhe de virar oval e de vos trapar de mai en mai nombroses a seguir aquesta cronica tretzista dins Jornalet!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari