La companhiá de teatre La Rampe-TIO presentarà aqueste divendres que ven, a 13h45, a la Sala Polivalenta del Licèu de Bagatèla de Sant Gaudenç (Comenge), davant 230 liceans e collegians de pertot en Gasconha, Molière d’Òc. Aquela òbra, qu’es a se representar amb fòrça succès per tota Occitània, passarà davant los escolans que fan d’occitan en de collègis e licèus de Comenge, Savés e Manhoac.
S’agís d’una adaptacion occitana de la pèça de Molière Monsieur de Pourceaugnac. Dins l’istòria originala, Sénher Porcenhac es un gentilòme lemosin que se’n va a París per se maridar amb Julie, la filha d’un gentilòme parisenc. Es lo paire qu’a decidit aquel maridatge e mai se Julie es amorosa del jove Erast. Mas Julie, Erast e la serventa metràn en plaça un estratagèma per desvalorizar l’òme lemosin e lo convéncer de fugir. Molière aprofiècha aquela situacion per i metre de scènas dramaticas e comicas ont denóncia la sufisença dels mètges e de las gents de París. Es tanben una pèça comica que ridiculiza los arquetipes diches “provincials” que, segon los parisencs, aurián los occitans.
Amb l’adaptacion occitana, La Rampe-TIO invèrsa la situacion. L’istòria se passa dins una vila d’Occitània e Monsieur de Pourceaugny, un ric gentilòme parisenc, i ven per se maridar amb Julie. Aquí l’òbra se debana en occitan, e mai se Pourceaugny parla un francés plan ponchut. S’agís d’una pèça per crebar de rire qu’apond una valor sociala e umana e qu’interpèla la nòstra societat d’uèi.
Lo Licèu de Bagatèla se tròba al 114 de l’Avenguda François Mitterrand, a Sant Gaudenç (Comenge).
S’agís d’una adaptacion occitana de la pèça de Molière Monsieur de Pourceaugnac. Dins l’istòria originala, Sénher Porcenhac es un gentilòme lemosin que se’n va a París per se maridar amb Julie, la filha d’un gentilòme parisenc. Es lo paire qu’a decidit aquel maridatge e mai se Julie es amorosa del jove Erast. Mas Julie, Erast e la serventa metràn en plaça un estratagèma per desvalorizar l’òme lemosin e lo convéncer de fugir. Molière aprofiècha aquela situacion per i metre de scènas dramaticas e comicas ont denóncia la sufisença dels mètges e de las gents de París. Es tanben una pèça comica que ridiculiza los arquetipes diches “provincials” que, segon los parisencs, aurián los occitans.
Amb l’adaptacion occitana, La Rampe-TIO invèrsa la situacion. L’istòria se passa dins una vila d’Occitània e Monsieur de Pourceaugny, un ric gentilòme parisenc, i ven per se maridar amb Julie. Aquí l’òbra se debana en occitan, e mai se Pourceaugny parla un francés plan ponchut. S’agís d’una pèça per crebar de rire qu’apond una valor sociala e umana e qu’interpèla la nòstra societat d’uèi.
Lo Licèu de Bagatèla se tròba al 114 de l’Avenguda François Mitterrand, a Sant Gaudenç (Comenge).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Interessant... Se'n farà una publicacion? Un DVD?
adaptacion occitana de la pèça de Molière Monsieur de Pourceaugnac per Marcèu Esquieu.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari