Divendres al ser, a Hull, Tomas Bòsc entamenava la sason de Superliga dels Dracs en trapant una quaranta-vint tre la primièra minuta. Seguissián dos ensags d’alièrs de Damian Cardace e un autre de Whitehead a la recepcion d’una passa al pè millimetrada del menaire de jòc catalan. A la pausa, los Dracs menavan 16-12. A la represa, Hull FC causissiá d’alargar lo jòc, trapava atal d’espacis liures sus las alas, sens parlar de las decas de recepcion dels còps de pè a seguir. Lo jòc catalan tombèt en deliquescéncia. Los ensags advèrses venguèron en cordeladas: sièis en tot. Urosament, lo tustaire anglés encapèt pas una sola transformacion. Quand los catalans acabèron per se revoltar a 36-22, demorava cinc minutas de jòc. Marquèron tres còps, mas Bòsc enquilhèt pas una sola transformacion. Desfaita amara 36-34 que pausa un brave nombre de questions que la formacion catalana ensajarà de levar dimenge que ven a Castleford.
Castleford es anat ganhar cò de Bradford: 36-18. Cal dire que Bradford coneis unes problèmas financièrs serioses. La sason serà tanben complicada pels London Broncos batuts per Widnes 64-10.
Leeds es anat ganhar cò d’Hull KR, 34-6, e los jogaires de Salford fan la mòstra que caldrà comptar amb eles: victòria sus Wakefield, 18-14.
Dijòus, en dobertura de la jornada, un Saint Helens dinamic èra anat ganhar a Warrington: 38-8. D’aquel temps, a Auckland, l’esquipa dels Vaquièrs del Queensland Nòrd ganhava lo torneg a 9 entre las esquipas d’NRL (victòria 16-7 en finala contra Brisbane). Dissabte 22, se jogarà la Copa del Monde dels Clubs entre los Roosters e Wigan (de seguir sus BeIn Sport).
La novèla bèla venguda de l’autre costat de la planeta es la signatura anonciada a la fin de la sason del pilar anglés Sam Burgess (Lapinons) per la formacion quinzista de Bath amb en vista una plaça dins lo XV de la Ròsa per la Copa del Monde de 2015 al pòst de... tres quarts centre!
D’aquel temps, dissabte, Limós fasiá pas mentir la legenda que vòl que las resultas de la formacion venguen mendras quand Carnaval arriba. Aquela influéncia sabèm pas s’es encara vertadièra mas correspond a la realitat d’una desfaita a Tolosa: 34-10.
Per contra, Lesinhan trapa de fòrças novèlas per menar 21-8 a la pausa fàcia als Dragonets e ganhar, fin finala, 35-18.
En pola C, Carcassona coneis las piègers dificultats per batre Avinhon. Una penalitat de Gressèque fa la magra diferéncia: 20-18. Lion bat Albi sus la marca estequida de 6 a 4.
En pola B, Vilanuèva ganha logicament a Realmont, 38-14, e la suspresa ven de Palau ont la formacion locala d’Elèit 1 plega fàcia al vesin d’Elèit 2 de Bao: 22-14. Aquesta dimenjada, plaça a la Copa Lord-Derby amb tres rescontres dissabte: sus la pelena de Concas d’Orbièl (16h), lo Vilagalhenc-Argon (Nacionala 1) daissarà totas sas fòrças per contrar Palau. A la meteissa ora, Carcassona jogarà son quart a Lion e lo còp de fiulet de l’entama de la partida cap d’aficha Tolosa-Dragonets serà balhat a 5 oras del vèspre. Dimenge, en Provença, se tendrà lo revenge de la finala de l’an passat entre Avinhon e Limós.
Alan Roch
Castleford es anat ganhar cò de Bradford: 36-18. Cal dire que Bradford coneis unes problèmas financièrs serioses. La sason serà tanben complicada pels London Broncos batuts per Widnes 64-10.
Leeds es anat ganhar cò d’Hull KR, 34-6, e los jogaires de Salford fan la mòstra que caldrà comptar amb eles: victòria sus Wakefield, 18-14.
Dijòus, en dobertura de la jornada, un Saint Helens dinamic èra anat ganhar a Warrington: 38-8. D’aquel temps, a Auckland, l’esquipa dels Vaquièrs del Queensland Nòrd ganhava lo torneg a 9 entre las esquipas d’NRL (victòria 16-7 en finala contra Brisbane). Dissabte 22, se jogarà la Copa del Monde dels Clubs entre los Roosters e Wigan (de seguir sus BeIn Sport).
La novèla bèla venguda de l’autre costat de la planeta es la signatura anonciada a la fin de la sason del pilar anglés Sam Burgess (Lapinons) per la formacion quinzista de Bath amb en vista una plaça dins lo XV de la Ròsa per la Copa del Monde de 2015 al pòst de... tres quarts centre!
D’aquel temps, dissabte, Limós fasiá pas mentir la legenda que vòl que las resultas de la formacion venguen mendras quand Carnaval arriba. Aquela influéncia sabèm pas s’es encara vertadièra mas correspond a la realitat d’una desfaita a Tolosa: 34-10.
Per contra, Lesinhan trapa de fòrças novèlas per menar 21-8 a la pausa fàcia als Dragonets e ganhar, fin finala, 35-18.
En pola C, Carcassona coneis las piègers dificultats per batre Avinhon. Una penalitat de Gressèque fa la magra diferéncia: 20-18. Lion bat Albi sus la marca estequida de 6 a 4.
En pola B, Vilanuèva ganha logicament a Realmont, 38-14, e la suspresa ven de Palau ont la formacion locala d’Elèit 1 plega fàcia al vesin d’Elèit 2 de Bao: 22-14. Aquesta dimenjada, plaça a la Copa Lord-Derby amb tres rescontres dissabte: sus la pelena de Concas d’Orbièl (16h), lo Vilagalhenc-Argon (Nacionala 1) daissarà totas sas fòrças per contrar Palau. A la meteissa ora, Carcassona jogarà son quart a Lion e lo còp de fiulet de l’entama de la partida cap d’aficha Tolosa-Dragonets serà balhat a 5 oras del vèspre. Dimenge, en Provença, se tendrà lo revenge de la finala de l’an passat entre Avinhon e Limós.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari