Bandièra01 capçalera  1180x150: Novestivada

Actualitats

Recèrca collaborativa per localizar l’avion malaisian desaparegut

Una entrepresa d’imatges per satellit demanda l’ajuda dels internautas per localizar l’aparelh. Los telefòns mobils dels passatgièrs sonan dins lo vuèg

Se’n sap pas encara res, de l’avion de Malaysia Airlines que desapareguèt dissabte mentre que volava de Kuala Lumpur a Pequin amb 239 personas a bòrd. La desaparicion del Boeing 777 en plen vòl contunha d’èsser un mistèri e la vasta operacion de salvament, per ara, a pas servit a ne localizar cap de pista ni cap de rèsta dins las aigas del Golf de Tailàndia. Una entrepresa estatsunidenca prepausa als internautas de collaborar a la recèrca en observant d’imatges de la zòna obtengudas per los sieus satellits.
 
L’entrepresa demanda la collaboracion volontària dels internautas a travèrs de la plataforma Tomnod, que permet d’observar dempuèi lo cèl la zòna ont supausadament l’avion del vòl MH370 seriá tombat.
 
A l’ora d’ara i a cinc satellits amb de camèras sul Golf de Tailàndia, qu’an ja cobèrt 3500 quilomètres cairats de superfícia marina.
 
 
Los telefòns mobils dels passatgièrs sonan dins lo vuèg
 
Segon d’informacions de Rue89, dètz e nòu familhas dels desapareguts an ensajat de los apelar al telefòn mobil. Totes los aparelhs sonan, mas dins lo vuèg.
 
Rue89 explica qu’aquò se poiriá passar dins los servicis especials de messatjariá chineses, que la sonariá correspondriá a la darrièra posicion localizada, o al temps de laténcia, o ben perque aqueles telefòns se poirián jónher.
 
Pasmens, a l’ora d’ara, las batariás començaràn d’èsser agotadas e los aparelhs cessaràn de foncionar.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc ciutat de mallorca
1.

cresi que es cosa dels paranoics ianqus per sa cursa armamentista contra la xina. La follia imperial ! Volen ser los amos del mond.

  • 0
  • 0

Escriu un comentari sus aqueste article