Bandièra01 1180x150: Comuna de Tolosa

Actualitats

Sèrran lo Pin de las Tres Brancas, simbòl dels Païses Catalans

Lo municipi de Castellar del Riu (Catalonha) fa sa denóncia

Lo Pin de las Tres Brancas, simbòl de l’unitat dels Païses Catalans, es aparegut dimars de matin amb un de sos tres troncs serrat, tombat al sòl e al mièg de l’estrada d’accès. L’alarma l’a donada una telefonada de qualqu’un qu’aviá trobat la branca serrada al mièg del camin. Sembla que lo pètge foguèt serrat diluns de ser. Certans utilizaires locals de Twitter tanben an avertit dels faches e n’an publicat de fotografias dins lo malhum. 
 
Lo municipi de Castellar del Riu a informat als mèdias que la branca èra estada talhada amb una sèrra, e que, per tant, aquò èra estat una mutilacion intencionala. Ara per ara, lo conselh municipal a pas d’informacion subre qui ne pòt èsser l’autor. Lo regidor de las òbras e servicis de Castellar, Xavier Raja, a explicat a VilaWeb qu’avián reculhit lo pètge amb una grua e que l’avián gardat en una nau amb l’intencion de lo restaurar. A fisança, çò a dich, que d’ara enlà se pòsca “far quicòm per que rèste ailà per sempre”, coma simbòl patriotic. Raja recòrda que dins lo rescontre public de l’an passat —per celebrar la Fèsta del Pin, coma cada an—, un grop amb de bandièras espanhòlas apareguèt, e Raja lia l’atac de diluns de ser a l’espanholisme. Tanben lo cònsol de Castellar del Riu, Adrià Soler, a dich qu’aquela accion podiá aver una relacion amb lo procès sobeiranista. “O cresi perque quand faguèrem la Fèsta del Pin, en julhet de l’an passat, nos faguèron qualques pintatges sus l’arbre”, çò a recordat. Dimars lo cònsol deviá anar a la polícia autonomica catalana (los mossos) per far sa denóncia. 
 
 
Lo simbolisme del Pin de las Tres Brancas
 
Lo famós poèta catalan Jacint Verdaguer faguèt popular aquel pin dins lo poèma Lo pi de les tres branques, amb un rei Jaume Ir estirat als pès de l’arbre que somiava que seriá rei d’Aragon, del Principat de Catalonha, del Reialme de Valéncia e de Malhòrca. Cada tresen dimenge de julhet se celèbra lo rescontre independentista a l’entorn del pin, que ten una basa de cinc mètres e una soca unica de la quala sòrton las tres brancas que simbolizan los Païses Catalans.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Danièl Petafum Tolosa
1.

Una branca s'es independentizada, òsca!

  • 2
  • 0

Escriu un comentari sus aqueste article