Actualitats
Comença l’Estivada en festejant los 40 ans de Nadau
Amb un còp dur al budget, lo “festenal de las culturas occitanas” contunha amb de vam e torna al centre vila de Rodés
L’Estivada de Rodés comença uèi de ser en tot festejar lo 40n anniversari de Nadau, amb l’espectacle 40 ans de cançons. Lo mond son convidats a participar abilhats de blanc.
Tornarmai dins lo centre vila de Rodés, i trobarem fins al grand empont, los estanquets, los taulièrs de las entrepresas e dels collectius del país e un fum de mond. Al programa i podèm trobar la plaça per la creacion mai gausarda de Xarnege o Stille Volk, o la crèma de la crèma de la musica occitana amb las polifonias del Còr de la Plana, lo reggae dels Raubacapèus, l’elèctro de Pythéas, lo punk rock de Papà Gahús… Es de soslinhar lo concèrt del cantaire roergàs Luc Aussibal e lo de la granda banda d’ska Golamàs’K que presentarà son òbra novèla Ràbia e poesia. Tocant los artistas estrangièrs, l’Estivada a convidat ongan la banda bretona de punk celtic Les Ramoneurs de Menhirs e los catalans Txarango.
Seguiment mediatic
En mai de la television de l’Estivada, EsTV —menada per la còla de Dètz qu’es de mai en mai professionala—, lo festenal es seguit pels mèdias de la Federacion Interregionala dels Mèdias Occitans (FIMÒC). Se volètz èsser informats a la minuta, La Setmana vos fa partejar l’Estivada en dirècte. Trobaretz cada jorn un article detalhat e d’entrevistas d’escotar. Al delà, per Twitter s’informa del debanament de la fèsta. Ràdio País, Ràdio Occitània e Ràdio Lenga d’Òc Narbona rapòrtan sus l’Estivada, sus plaça, cada jorn, en dirècte, de 18h a 20h.
Seguissètz l’Estivada sus Twitter: #Estivada o #Estivada2014.
#estivada Tweets
Tornarmai dins lo centre vila de Rodés, i trobarem fins al grand empont, los estanquets, los taulièrs de las entrepresas e dels collectius del país e un fum de mond. Al programa i podèm trobar la plaça per la creacion mai gausarda de Xarnege o Stille Volk, o la crèma de la crèma de la musica occitana amb las polifonias del Còr de la Plana, lo reggae dels Raubacapèus, l’elèctro de Pythéas, lo punk rock de Papà Gahús… Es de soslinhar lo concèrt del cantaire roergàs Luc Aussibal e lo de la granda banda d’ska Golamàs’K que presentarà son òbra novèla Ràbia e poesia. Tocant los artistas estrangièrs, l’Estivada a convidat ongan la banda bretona de punk celtic Les Ramoneurs de Menhirs e los catalans Txarango.
Seguiment mediatic
En mai de la television de l’Estivada, EsTV —menada per la còla de Dètz qu’es de mai en mai professionala—, lo festenal es seguit pels mèdias de la Federacion Interregionala dels Mèdias Occitans (FIMÒC). Se volètz èsser informats a la minuta, La Setmana vos fa partejar l’Estivada en dirècte. Trobaretz cada jorn un article detalhat e d’entrevistas d’escotar. Al delà, per Twitter s’informa del debanament de la fèsta. Ràdio País, Ràdio Occitània e Ràdio Lenga d’Òc Narbona rapòrtan sus l’Estivada, sus plaça, cada jorn, en dirècte, de 18h a 20h.
Seguissètz l’Estivada sus Twitter: #Estivada o #Estivada2014.
#estivada Tweets
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Quò me fai plaser!
Beròi article, mercés!
@1 Òsca, fin d'acòrd. Si quò vos fai plaser, podetz legir mon article sus la corrida dins la Setmana :
"La tortura en festa", http://lasetmana.fr/corrier-lectors/4053-la-corrida-la-tortura-en-festa
N'a pas gran causa a véder dab l'estivada mes entà jo, d'ara enlà, qu'ac cau saber quand parlam de Nadau. Drin com lo fèit que Burzum sia neò-faishista shens ac díser explicitament dens las soas cançons.
Nadau qu'an jogat dens las arenas -desmontablas e privadas- de Riumas, dens l'encastre de la "feria" organisada peu club taurin.
Qu'estoi hèra decevut qu'accepèssen de balhar un "credit occitan" a aquera integracion de çò que la cultura espanhòla a de mei maishant en Occitania.
Ua integracion forçada, qui mei, voluda peu poder parisian de Napoleon III. Ua "cultura" de l'estetisacion de la tortura qui subreviu mercés a subvencions europeas : Hòu, contribuables deus estats francés, espanhòu, italian! Avetz un avís sus la corrida? Non? E ben que la pagatz mei que los qui l'aiman! E ara, n'avetz un?
Qu'estoi tanben susprés e decevut qu'un grop qui a hèit las soas cançons mei beròias en balhant ua votz occitana aus qui, de votz, n'an pas briga (los mainats, los bohemis, los autistas, los imigrats arabs ...e los cans abandonats), qui a hèit las soas cançons mei beròias de la loa sofrença, acceptèsse de har enténer lo son art dens un endret hèit entà har patir e e morir e de har ganhar moneda aus torcionaris.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari