Bandièra01 1180x150: Comuna de Tolosa

Actualitats

Barrièra de Melilla: de rascladas, de maltractaments e de devolucions illegalas

Una associacion de Melilla a enregistrat en vidèo la brutalitat e las illegalitats de la gàrdia civila espanhòla contra los immigrants qu’ensajan d’intrar en Euròpa

| Periodismo Humano
L’Associacion Prodein de Melilla a difondut un vidèo, enregistat dimècres passat, que mòstra la brutalitat policièra de la gàrdia civila contra un grop d’immigrants. Los immigrants ensajavan de sautar la barrièra de Melilla per poder intrar dins l’Union Europèa. Dins los imatges se pòt veire los policièrs batent un immigrant qu’èra sus la barrièra fins que tombèsse al sòl en perdent consciéncia. Sens li donar cap d’assisténcia medicala, los quites agents ensagèron de lo reviscolar, puèi lo prenguèron per las mans e los pès e, en passant la pòrta de seguretat de la barrièra, lo daissèron en Marròc.
 
Segon Prodein, son mai de cinc los immigrants ferits en aquela jornada que qualifican “de violéncia terribla”.
 
Aquel filme es lo primièr d’una seguida d’enregistraments que l’ONG a fach per denonciar la persisténcia de las devolucions illegalas en aquel endrech, segon çò qu’an declarat a Europa Press. Dimècres de matin enregistrèron divèrses cases de personas feridas o inconscientas menadas en Marròc per la gàrdia civila.
 
Segon çò qu’explica lo pòrtavotz de Prodein, “un dels gojats qu’a sautat la barrièra es estat emmanotat en davalar, çò qu’es una practica abituala”. “Es pas solament la deportacion qu’es illegala”, çò ditz, “es una detencion illegala, lor legisson pas los dreches, an pas cap d’avocat”, çò soslinha.
 
 
 
_____
Mai d’informacions sus Periodismo Humano.



Así defiende "ESPAÑA" el Ministerio del Interior (2) de l'Asociación Pro.De.In. Melilla sus Vimeo.


 

Así defiende "España" el ministerio del interior. de l'Asociación Pro.De.In. Melilla sus Vimeo.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article