Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Lo govèrn d’Aran signa una convencion amb los espitals de Sant Gaudenç e de Tolosa

Aquestes espitals occitans que son fòrça mai pròches que los de Lhèida o Barcelona, çò que melhorarà lo tractament de las urgéncias grèvas

Lo Servici Aranés de Benestança e Santat (SABS) a signat una convencion de cooperacion amb lo Centre Espitalièr Comenge-Pirenèus de Sant Gaudenç e amb lo Centre Espitalièr Universitari de Tolosa per melhorar lo tractament de las urgéncias e per poder reportar los malauts araneses que n’auràn de besonh vèrs aqueles autres espitals occitans, que son fòrça mai pròches que los de Lhèida o Barcelona.
 
Lo sindic d’Aran, Carlos Barrera, soslinhèt qu’aquela convencion cèrca de “contunhar de melhorar era sanitat e eth benèster des nòsti ciutadans damb un sistèma logic e sostenable”.
 
En mai del sindic, participèron a l’acte lo conselhièr aranés de la santat, Eduardo Valdecantos; la directritz del SABS, Maria Àngels Borràs; la directritz del Centre Espitalièr Comenge-Pirenèus, Christine Girier-Diebolt; e la secretària generala del Centre Espitalièr Universitari de Tolosa, Bénédicte Motte. 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article