Bandièra01 1180x150: Comuna de Tolosa

Actualitats

De desenats de milièrs de manifestants a Bilbao en favor dels dreches dels presonièrs politics bascos

An reclamat la fin de la dispersion carcerala

| Sare
Dempuèi qualques ans, cada mes de genièr, la vila de Bilbao acuèlh de grandas manifestacions pels dreches dels presonièrs politics bascos e per la fin de la politica de dispersion carcerala. Se’n faguèt una autra dissabte que i participèron de desenas de milièrs de personas. Doas grandas colomnas de manifestants se recampèron sus la Plaça Zabalburu, après marchar per las carrièras de la vila.
 
La manifestacion, organizada per la plataforma Sare e jol lèma “Los presonièrs bascos al Bascoat ara”, comptèt amb la participacion del president, de representants e d’elegits de l’esquèrra basquista o dels sindicats, de representants internacionals e un centenat de personatges del mond de la cultura.
 
Sare es un ret ciutadan nascut en junh de 2014 e qu’a la tòca de defendre los dreches umans de las personas presonièras, exiliadas e deportadas bascas: “Volèm afrontar la complexitat, diversitat e pluralitat de la societat basca en cercant los ponches comuns que, coma comunautat, nos amassan delà las siglas e los debats de partits. Fondamentalament, lo pilar essencial es lo respècte dels dreches umans per totes sens excepcion”. 

___
Mai d'informacions sus Naiz.info

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

És lo temps per la patz, és lo temps per la concordia, és lo temps per l'amor. Quants de pics haurem de repetir la paraula prohibida abans de barrar las guerras, las bombas sobre les poblacions civils. Visca l'amor!

  • 0
  • 0

Escriu un comentari sus aqueste article