Actualitats
Mai de dètz milions de signaturas per demandar la libertat d’Öcalan
L’Union de las Comunautats de Curdistan fa una crida al Conselh d’Euròpa per qu’ignòre pas lo sosten popular per la liberacion del cap del PKK. S’espèra un possible anonci d’Öcalan en escasença de l’An Nòu curd, lo 21 de març que ven.
En una de las rejonchas de signaturas mai massissas de l’istòria, lo movement curd a obtengut que 10,3 milions de personas metan negre subre blanc lor sosten a la libertat d’Abdullah Öcalan, lo cap del Partit dels Trabalhadors del Kurdistan (PKK) empresonat en Turquia. Las signaturas se son amassadas per tot lo Mond pendent dos ans e mièg, e ara venon de las liurar al Conselh d’Euròpa.
Dins un comunicat, l’Union de las Comunautats de Curdistan (KCK) —una estructura qu’amassa lo PKK e sas organizacions afinas— a dich qu’ara lo Conselh d’Euròpa “a una responsabilitat davant los milions de personas qu’an signat la peticion”, e a assegurat qu’existís pas cap de fòrça capabla d’arrestar la volontat d’un nombre tan grand de gents.
Turquia es un estat membre del Conselh d’Euròpa dempuèi 1949. Demièg las foncions del Conselh d’Euròpa, se compta la de velhar pel respècte dels dreches umans e dels dreches de las minoritats nacionalas e lingüisticas.
Öcalan se tròba en preson dempuèi 1999, dempuèi foguèt capturat a Nairòbi (Kenya) en una operacion dels servicis secrets de Turquia amb l’ajuda dels Estats Units. Lo cap del PKK fa fòrça annadas que trabalha per una solucion negociada al conflicte armat entre lo PKK e Turquia, que desboque vèrs un acòrdi de patz e vèrs la reconeissença de dreches politics, lingüistics e culturals pels curds.
Un anonci d’Öcalan en març?
En coïncidissent amb la presentacion de las signaturas, los mèdias turcs e curds fa de jorns que comentan la possibilitat qu’Öcalan faga lèu un anonci tocant lo procès de patz entre Turquia e lo PKK. Segon Hatip Dicle, copresident del Congrès de la Societat Democratica (DTK) —un ret de partits e organizacions de la societat civila curda—, l’anonci poiriá èsser “istoric” e coïncidiriá amb la celebracion de l’An Nòu curd (Newroz), lo 21 de març.
Lo jornal turc Daily Sabah ditz que l’anonci poiriá èsser una crida conjoncha d’Öcalan e de qualques caps del PKK que son a las montanhas de Qandil (Curdistan del Sud, Iraq) per que lo braç armat del PKK quite las armas.
Mas a l’encòp, qualques analistas turcs dison que los caps del PKK a Qandil son pas dispausats a far aquel pas, e qu’aquò auriá provocat de tensions amb Öcalan, que voldriá ben avançar cap al desarmament.
Mentretant, lo copresident del pròcurd Partit Democratic del Pòble (HDP), Figen Yuksekdag, vei possible que lo procès de patz passe a la fasa de negociacion dins doas setmanas. S’aquò se passèsse, Yuksekdag ditz que i poiriá aver un comunicat conjonch —que seriá tanben istoric— entre lo govèrn turc e l’HDP.
Aquesta nòva es adaptada de Nationalia amb qui Jornalet a un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Fau pas ren se demendar pardeque i a de guèrras! Aquela lenga n'es pas vengut obligatorí, non pas? Tot le monde fason coma voles d'embei lhor efants!
Crese que comprenere pas jamai aquelas reaccions... Ieu, ai pas jamais fai de brut ente d'autres lengas son estat ensenhats!
Pfff, paure parents, paure monde...
Que maco que seria un Kurdistan lliure, crec que és per això que lluiten, com fa tanta gent al Món, que viu en una situacuó de ocupació i intervenció estranjera al seu País.
Per que aixo s'acavi cal que tothom hi posi de la seva, i cualsevol gest en auest sentit benvingut sigui.
Un Visca pel Kurdistan Lliure!
"El Tàrrega".
#3 ah segur "turcs de las montanhas" vertat una expression utilizada un còp a la debuta de la republica turca.
Cal pas crèire que curds e turcs se pòdon pas vèire, de mai i a una mixitat prigonda, quand lors curds eron persecutats per saddam hussein en irak es ben turquia que dobriguèc sas pòrtas als curds.
A l'ora d'ara e desempuèi plan temps mantuns cantaires cantan en curd e en turc dins los concerts e a la television, demest los mai coneigut se pòt parlar de sezen Aksu, d'irban Tatlises eca.. revendican atanben lor cultura curda e turca, la diferençia es qu'elis an pas jamai assassinats degun e que son pas una organisacion terrorista reconeiguda per mantuns paísses del mond ent'autre europa.
Fa mil ans que Turc e Curds vivon amassa e se son pas jamai tiats entre elis....
E çò me sembla que la quita maire d'Ocalan es turca (Ovey).
Vesi que de solucions n'as que s'escampan de las pochas, malastrudament plan mens que d'idèias totas fachas, manlevadas a la turcofobia.
Empacha pas que PKK es una organizacion terrorista reconeiguda atal per mantuns paisses e Europa.
Porias legir " Liberation : las estranhas vacanças del PKK en suècia(suède), lo deplaçament del jutge anti terroriste françés joan fransec Ricard, L'observatòri francés dels estupefiants, l'institut de criminologia de paris; E per acabar lo massacre dels conscrits Curds de Bingol revendicat per Ocalan : vèire lo mond diplomatic.
#1 Siatz segur qu'entre los 40 000 morts, n'i a pas que sn deguts un pauc a l'armada e a la policia turca ? Que la violéncia terrorista sieie en se condemnabla moralament e que sieie lo signe d'una flaquesa, e de la dificultat a bastir un moviment de massa es una causa. Mas d'aqui a neglijar las responsabilitats premieras, l'i a un lindau que s'ameritaria que se passesse pas. Los faissistas espanhols passan lor temps a condemnar los 800 morts de l'ETA en 40 ans e eissublian charitablament los de Gernika en quauques oras, sens parlar de las centenas de miliers de victimas dau franquisme que regretan lo mond dau PP e de Ciutadanos. Dau meteis biais, se chalria pausar de questions suu sistema turc : an agut la pèu dels Armenians, an agut la pèu dels Grecs de Ionia, aquela dels Curds, pas encara. Tot aquo au nom d'un nacionalisme turc qu'a força semblança amb lo nacionalisme "universalista" francés, en netament mai violent e grossier (pas de poble curd, mas de "Turcs de las montanhas" qu'an drech a ren senon a parlar turc coma tot lo monde). Criticar lo terrorisme dels uns es legitim, a condicion que mene pas a justifiar la dictadura dels autres.
çai jos escapolon del festetjament del yeni gun dins lo mon turc:
http://youtu.be/Vp39PoFwLcI Tv turca
http://youtu.be/iJgPWQxKaoI ozbekistan
http://youtu.be/BaEYTqDzFiY azebaijian
http://youtu.be/dA_FWkAmqCM kigizttan
http://youtu.be/XYJz9awnJDk kazakistan
http://youtu.be/0sG1oMFRTZ0 tukmenistan
http://youtu.be/kKRTQZCh04Q uygur de norvegia
e plan d'autres....
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari