Bandièra01 1180x150: Comuna de Tolosa

Actualitats

Lo president de la FIFA, Joseph Blatter, a demissionat

A demandat de nòvas eleccions per cercar lo sieu successor pr’amor que crei que la FIFA a de besonh d’una restructuracion prigonda

| Marcello Casal Jr. / ABr
Joseph Blatter a demissionat coma president de la FIFA e a demandat de nòvas eleccions per elegir lo sieu successor. Lo ja èx-president soís es estat lo cap de l’organisme màger del fotbòl internacional dempuèi 1998 e crei ara qu’aquel organisme a de besonh d’una restructuracion prigonda, segon çò que rapòrta weloba.cat.
 
Divendres passat se celebrèt las eleccions de la FIFA, que las ganhèt Blatter après obténer mai de vòtes al primièr torn, mas sens arribar als dos tèrces necessaris. Bin Husayn, que demorèt en segond luòc, decidiguèt de se retirar abans lo segond torn.
 
Las eleccions se son celebradas dins un dels moments mai critics de l’institucion, pr’amor que la setmana passada la polícia soïssa arrestèt mai de dètz nauts responsables de la FIFA per corrupcion presumida pendent los darrièrs dos decennis, dins d’afars tocant l’adjudicacion del Mondial a certans païses o los dreches d’esplecha televisiva. 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article