Bandièra01 1180x150: País Invisible

Actualitats

crotz-tolosaCreated with Sketch.GasconhaArmanhacPaís d'Aush

Aush: l’incendi de la mosqueta seriá “un acte criminau”

...çò a confirmat lo procuraire. Lo sit de pregària es destruch al 70%

Un gròs incendi destruguèt al 70% la mosqueta d’Aush dins la nuèch de dissabte a dimenge. Segon lo procuraire, Pierre Aurignac, la causa del fuòc es “un acte criminau” après èsser anat el sus plaça aqueste diluns passat, çò rapòrta Libération en citant l’AFP. De fach, los policièrs sus plaça avián ja constatat una fòrta odor de benzina, segon çò que rapòrta France 3. L’identitat judiciària de Tolosa a convocat un expèrt que deu esclarzir aquesta setmana las causas del sinistre. “Voudriái saber s’es efectivament accidentau o non. Per ara non èi pas nada rason de créser que non ac siá pas e non se pòt pas díser qu’a Aush i aja tensions comunautàrias", çò declarèt lo procuraire.
 
L’edifici èra flame nòu e a la pregària de divendres i aviá aperaquí 250 personas, mas lo fuòc arribèt a 3h30 del matin e faguèt pas cap de victima.
 
Dins un comunicat, lo ministre de l’interior e dels cultes, Bernard Cazeneuve, pòrta “son entièr sosten a la comunautat musulmana e l’assegura de la plena mobilizacion dels servicis de polícia per far tot lo lum sus aqueles faches”. Lo ministre s’engatgèt atanben a “protegir los luòcs de culte de totas las confessions e a luchar contra totas las expressions d’òdi e d’intolerància”. 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Francesc Palma de Mallorca
1.

"Jo som musulman" davant lo nazisme ieu sui del costat de los fraires musulmans, e m'enfoti de los fanatics religioses d'ont sia, e ara voli dire catòlics, mas cresi que l'extrema dreta ha pas de religión, son uns barbars pagats per qui ? Cresi que és lo mateis que paga a tots los fanatics religioses o non, per desestabilizar lo mond.

  • 1
  • 0

Escriu un comentari sus aqueste article