Bandièra01 1180x150: País Invisible

Actualitats

crotz-tolosaCreated with Sketch.GasconhaArmanhacPaís d'Aush

Aush: manifestacion antifaissista en sosten a la comunautat musulmana

Se se confirma que l’incendi de la mosqueta es un acte criminal, lo collectiu antifaissista anóncia mai de mobilizacions

Un centenat de personas manifestèron dissabte sus la Plaça de la Liberacion d’Aush per sosténer la comunautat musulmana de la vila gascona, una setmana après l’incendi criminal a la mosqueta. “Non vien pas aus musulmans ni aus josieus d’aver paur, mes aus racistas e aus faishistas”, çò disiá lo president del collectiu antifaissista de Gers, Johan Paris, segon La Dépêche.
 
De son costat, lo president de l’Associacion Cultuala dels Musulmans de Gers, Mostafa El Qsriri, se mostrèt fòrtament esmogut. Amb de lagremas als uèlhs afirmava que compreniá pas l’atac de la mosqueta. “Nos coneishèm tots ací, musulmans e non-musulmans”, çò diguèt, en precisant: “non se seriá pas jamei pensat qu’aquò virèsse atau”.
 
Lo collectiu antifaissista anoncièt tanben que se “l’acte islamofòb” se confirma, si que renovelaràn de “manifestacions antifaishistas”.
 
 
L’incendi de la mosqueta: “un acte criminau”
 
La matinada del 22 d’agost passat , un gròs incendi destruguèt al 70% la mosqueta d’Aush dins la nuèch. “Un acte criminau”, segon çò que diguèt lo procuraire, Pierre Aurignac, après anar sus plaça. De fach, los policièrs avián ja constatat una fòrta odor de benzina, segon çò que raportèt France 3. L’identitat judiciària de Tolosa a convocat un expèrt que deu esclarzir aquesta setmana las causas del sinistre. “Voudriái saber s’es efectivament accidentau o non. Per ara non èi pas nada rason de créser que non ac siá pas e non se pòt pas díser qu’a Aush i aja tensions comunautàrias", çò declarèt lo procuraire.
 
L’edifici èra flame nòu e a la pregària i aviá aperaquí 250 personas, mas lo fuòc arribèt a 3h30 del matin e faguèt pas cap de victima.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Batko
3.

Es aisit de denonciar la "selectivitat" de las reaccions quan se medish òm a aps manifestat ni per l'un ni per l'aute (Es mon cas tanben, disi pas). Los qu'an manifestat a Aush son d'Aush, me sembla pas complicat.
Har l'amalgame entre lo pèc deu Thalys e los musulmans d'Aush seré com har l'amalgame entre los Crestians deu Gèrs e los Crestians qu'an invadit e destrusit Irak per los panar lo petròli.

  • 7
  • 1
Òlo Pujòlo
2.

#1 ei a díder que celebratz qu'agen atacat era mosqueta d'Aush

  • 7
  • 4
VIAULE Sèrgi
1.

Los "antifaissistas" se deurián demandar perqué son pas las pagòdas que creman en Occitània. Au pas vist nimai los "antifaissitas" manifèstar contra l'agression del tren Amsterdam-París ont, sens l'intervencion d'eròis Estasunians, al nom de l'islam, un faissita musulman èra prèst a assassinar un maximum de personas. Semblariá que los "antifaissistas" en question agen una sens de la justícia un pauc selectiu...

  • 9
  • 14

Escriu un comentari sus aqueste article