Actualitats
Lo Ministre de la Defensa espanhòl avertís que l’armada intervendrà pas en Catalonha “se totes complisson lor dever”
Se mostrèt partisan que s’aplique l’article 155 de la Constitucion espanhòla que permet de “forçar” un territòri “a complir sas obligacions”
Lo ministre de la defensa espanhòl, Pedro Morenés, a avertit ièr que l’armada espanhòla agirà pas en Catalonha s’òm i complís la lei. Dins una entrevista a la Ràdio Nacionala d’Espanha (RNE), Morenés foguèt interrogat sul ròtle de l’armada dins lo cas d’una declaracion d’independéncia de Catalonha e respondèt: “se totes complisson lor dever, vos asseguri que i aurà pas cap d’accion de cap de sòrta”.
Morenés diguèt que las fòrças armadas coneisson perfièchament lor ròtle e crei que son “absoludament e perfièchament democraticas” e mai que son “subjèctas a l’estat de drech”. Lo ministre apondèt que l’armada “a establidas qualas son sas obligacions dins las leis e las complirà estrictament”. En mai d’aquò, remarquèt que dins l’estat de drech cadun a una responsabilitat, e que los governants d’Espanha e de Catalonha an jurat de complir e de far complir la Constitucion. “Cadun deu complir son dever, las Fòrças Armadas, los governants e los governats”, çò diguèt.
Lo ministre espanhòl s’es mostrat partisan que s’aplique l’article 155 de la Constitucion espanhòla, lo que permet al govèrn espanhòl d’obligar una comunautat autonòma al “compliment forçat” de sas obligacions, en tot metre en evidéncia qu’el es per “l’aplicacion de la lei quand la lei non se complís”.
Morenés diguèt que las fòrças armadas coneisson perfièchament lor ròtle e crei que son “absoludament e perfièchament democraticas” e mai que son “subjèctas a l’estat de drech”. Lo ministre apondèt que l’armada “a establidas qualas son sas obligacions dins las leis e las complirà estrictament”. En mai d’aquò, remarquèt que dins l’estat de drech cadun a una responsabilitat, e que los governants d’Espanha e de Catalonha an jurat de complir e de far complir la Constitucion. “Cadun deu complir son dever, las Fòrças Armadas, los governants e los governats”, çò diguèt.
Lo ministre espanhòl s’es mostrat partisan que s’aplique l’article 155 de la Constitucion espanhòla, lo que permet al govèrn espanhòl d’obligar una comunautat autonòma al “compliment forçat” de sas obligacions, en tot metre en evidéncia qu’el es per “l’aplicacion de la lei quand la lei non se complís”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Estat de dret?, que cony vol dir això? Un estat que ho nega tot, de que és diu estat de dret? Votar, no; escola catalana, no; concerts econòmics per anar a millor , no; transferencies, no; mès competències ,no; mes autogovern, no, mès fiançament, no; reconeixament de que som, i son una nació, tampoc,
On és l'estat de dret ?
Crec que no donen per mès, son així de rucs!
Lo Ministre de la Defensa espanhòl avertís que l’armada intervendrà pas en Catalonha “se totes complisson lor dever” e ieu, li ajusti que los Catalans an un dever d'existéncia e, donc, de cara a un poder cripto-franquista, un dever d'independéncia. Los avertiments dels dictators, los prenèm d'ont venon…
He sentit que pensan denunciar-lo a la Union Europea e esperi que tamben a l'ONU. Lo faissisme no passarà.
Per tradicion, despuèi lo sègle XIX, las soletas guerras que l'armada espanhola sap ganhar son las guerras contra son propre poble.
Se los franquistas envadisson tornarmai Catalonha, esperi que los occitans serem aqueste còp capables de nos mobilizar e de defendre la libertat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari