Non, es pas la debuta del mes d’octòbre, mas Nadal amb las mièjas finalas de Superliga e la finala de l’NRL australiana!
NRL: Vaquièrs e Cavals Fòls en finala
Las doas mièjas finalas australianas veson unas victòrias largas dels venceires.
Divendres, dins un Suncorps de Brisbane, plen coma un uòu, suspresa tre la primièra minuta. L’alièr dels Polets fasiá una longa passa a son arrièr: intercepcion e 6 punts per la formacion locala. Dètz minutas mai tard, Tuvasa-Schek acompanhava la palma que sortissiá en tòca de but quand l’alièr malva capitava de ramenar la palma sus la pelena recuperada per son collèga: 12-0 per Brisbane. La formacion de Sydney se remetèt pas de l’entamenada e Brisbane, menat per un dobertura Milford quasi diabolic, ganhèt 31-12.
Dissabte, los Vaquièrs s’èran engolits los 3000 quilomètres de desplaçament per desfisar la Tempèsta de Melbourne. Mas, aquí, amb Jonathan Thurston a la manòbra, los Vaquièrs menavan 16-12 a la pausa, per confirmar dins lo segond temps amb tres ensages de mai: 32-12!
Dimenge de matin (ora occitana), l’ANZ Stadium de Sydney veirà pel primièr còp l’afrontament de doas formacions de Queensland en finala. Qual ganharà? En defòra de dire que serà un o l’autre, i a de qué beure fòrça cervesas per imaginar totas las possibilitats: los Vaquièrs que mestrejan los Cavals o los Cavals faràn cabussar la còla a Thurston?!!
Lo rinocèros n’a totjorn dins la còrna
Lo mot d’òrdre dels responsables de Superliga ditz que cada moment es important. La darrièra jornada de classament mòstra la validitat de l’idèa.
Dijòus al ser, lo campion Saint Helens daissèt sas illusions de jogar la mièja finala a l’ostal en se fasent bolegar per Warrington: 16-32.
Divendres, Wigan creguèt de temps poder acabar primièr al classament. Los Combatents se mostrèron sens cap de pietat pels Tigres de Castleford: 47-12.
A Huddersfield, los Gigants avián la mina regaudida a dètz minutas del tèrme: 16-8. Un pauc mens a doas minutas de la fin amb l’egalizacion de Sinfield sus penalitat: 16-16. E encara mens a la fin de la partida, quand sus la darrièra palma, al restontir de la còrna, Hall recuperèt un còp de pè a seguir per balhar la victòria e la primièra plaça als Rinocèros: 16-20.
Aurem doncas las mièjas finalas Wigan-Huddersfield (dijòus) e Leeds-St. Helens (divendres).
Los Dracs n’acabèron amb la sason complicada aqueste dimenge: gaire de causida per Laurenç Fraissinós qu’aviá 17 jogaires a disposicion e enfin una segonda victòria a l’exterior cò d’Hull FC que lor permet d’acabar la sason a la setena plaça: aprèp aver menat 20-0, los Dracs sèrvan l’avantatge, 28-24! Es de senhalar que Krisnan Inu ven de signar per una sason de mai a Perpinhan. E demòra una serada de fin de sason aqueste dimars 29 al Palais dels Congrèsses de Perpinhan.
Dissabte 3, se jogarà tanben la partida de barratge entre Wakefield e Bradfod per saupre qual jogarà en Superliga la sason venenta, mentre qu’Hull KR, Salford e Widnes sèrvan lor plaça al primièr nivèl per la sason venenta. Ierarquia respectada o capvirada pels Braus de Bradford?
Elèit: Lesinhan, sol a 3 victòrias
Avinhon remanda Albi sus la riba dreita de Ròse: 50-0. Vilanuèva, rassegurada sus son sòrt financièr aprèp la decision del TGI d’Agen d’acceptar l’espandiment del pagament del deute sus 10 ans, opausa una brava resisténcia als Broncos de Tolosa mas pèrd: 14-19.
Dimenge, los occitans se son impausats en tèrra catalana: 30-20 per Limós a Palau e victòria de Lesinhan a Sant Estève contra los Dragonets: 31-22. Atal, Lesinhan se trapa sol en cap de classament amb 3 victòrias per 3 partidas.
Dissabte, Albi recebrà Carcassona e Avinhon serà a Tolosa. Dimenge, afrontament verd e blanc al Molin entre Lesinhan e Vilanuèva e dèrbi catalan a Sant Estève entre los Dragonets e Palau.
XIII cadieral: Lo punt d’aur fatal als Blaus
A Londres, en finala del campionat europèu de XIII cadieral, los Blaus tornavan trapar los angleses. Menavan 16-12 a la pausa, 24-24 a la fin del temps reglamentari, e daissèron al punt d’aur lo trofèu sus un ensag anglés: 28-24.
Un pauc de bona lectura amb XIII- Magazine
Cal legir lo numèro 2 (setembre de 2015) de XIII Magazine que presenta la sason novèla al país e sus la planeta. Publica ma croniqueta occitana:
“Al temps de vendémias: la sason novèla de XIII ven de reprene! En Federala, fa gaire, las primièras partidas èran sistematicament remesas per rasons de vendémias. Atal, l’espòrt se marcava plan mai dins l’anar de la vida vidanta. Quand las partidas venián mai rudas, arribava que las castanhas acompanhèsson lo vin novèl! Nadal o Cap d’An fasián fèsta amb de partidas internacionalas. Quand Carnaval veniá, l’esquipa de Limós perdiá l’orèmus. La nèu o la fanga arrestavan pas los jogaires de rugbi, estatuficats sens passar entre las mans d’un escalpraire. La prima veniá puèi amb sas partidas eliminatòrias e sas finalas: la jòia, las flors e los cants per celebrar las victòrias o se remetre de las desfaitas. Pro de l’estiu per se pausar, se contar la sason passada e preparar la sason venenta. Alara: seguir lo temps que passa, la ronda de las sasons e los reviscòls annadièrs o considerar d’èsser los mèstres d’un temps perpetual que finirà que nos chaparà?”
(Abonament: 38 €, a l’òrdre de Treize-Rugby-Events, a l’adreiça seguenta: Axe-Sud 49, Grand Carrièra Sant Miquèl, 31400 Tolosa).
Alan Roch
NRL: Vaquièrs e Cavals Fòls en finala
Las doas mièjas finalas australianas veson unas victòrias largas dels venceires.
Divendres, dins un Suncorps de Brisbane, plen coma un uòu, suspresa tre la primièra minuta. L’alièr dels Polets fasiá una longa passa a son arrièr: intercepcion e 6 punts per la formacion locala. Dètz minutas mai tard, Tuvasa-Schek acompanhava la palma que sortissiá en tòca de but quand l’alièr malva capitava de ramenar la palma sus la pelena recuperada per son collèga: 12-0 per Brisbane. La formacion de Sydney se remetèt pas de l’entamenada e Brisbane, menat per un dobertura Milford quasi diabolic, ganhèt 31-12.
Dissabte, los Vaquièrs s’èran engolits los 3000 quilomètres de desplaçament per desfisar la Tempèsta de Melbourne. Mas, aquí, amb Jonathan Thurston a la manòbra, los Vaquièrs menavan 16-12 a la pausa, per confirmar dins lo segond temps amb tres ensages de mai: 32-12!
Dimenge de matin (ora occitana), l’ANZ Stadium de Sydney veirà pel primièr còp l’afrontament de doas formacions de Queensland en finala. Qual ganharà? En defòra de dire que serà un o l’autre, i a de qué beure fòrça cervesas per imaginar totas las possibilitats: los Vaquièrs que mestrejan los Cavals o los Cavals faràn cabussar la còla a Thurston?!!
Lo rinocèros n’a totjorn dins la còrna
Lo mot d’òrdre dels responsables de Superliga ditz que cada moment es important. La darrièra jornada de classament mòstra la validitat de l’idèa.
Dijòus al ser, lo campion Saint Helens daissèt sas illusions de jogar la mièja finala a l’ostal en se fasent bolegar per Warrington: 16-32.
Divendres, Wigan creguèt de temps poder acabar primièr al classament. Los Combatents se mostrèron sens cap de pietat pels Tigres de Castleford: 47-12.
A Huddersfield, los Gigants avián la mina regaudida a dètz minutas del tèrme: 16-8. Un pauc mens a doas minutas de la fin amb l’egalizacion de Sinfield sus penalitat: 16-16. E encara mens a la fin de la partida, quand sus la darrièra palma, al restontir de la còrna, Hall recuperèt un còp de pè a seguir per balhar la victòria e la primièra plaça als Rinocèros: 16-20.
Aurem doncas las mièjas finalas Wigan-Huddersfield (dijòus) e Leeds-St. Helens (divendres).
Los Dracs n’acabèron amb la sason complicada aqueste dimenge: gaire de causida per Laurenç Fraissinós qu’aviá 17 jogaires a disposicion e enfin una segonda victòria a l’exterior cò d’Hull FC que lor permet d’acabar la sason a la setena plaça: aprèp aver menat 20-0, los Dracs sèrvan l’avantatge, 28-24! Es de senhalar que Krisnan Inu ven de signar per una sason de mai a Perpinhan. E demòra una serada de fin de sason aqueste dimars 29 al Palais dels Congrèsses de Perpinhan.
Dissabte 3, se jogarà tanben la partida de barratge entre Wakefield e Bradfod per saupre qual jogarà en Superliga la sason venenta, mentre qu’Hull KR, Salford e Widnes sèrvan lor plaça al primièr nivèl per la sason venenta. Ierarquia respectada o capvirada pels Braus de Bradford?
Elèit: Lesinhan, sol a 3 victòrias
Avinhon remanda Albi sus la riba dreita de Ròse: 50-0. Vilanuèva, rassegurada sus son sòrt financièr aprèp la decision del TGI d’Agen d’acceptar l’espandiment del pagament del deute sus 10 ans, opausa una brava resisténcia als Broncos de Tolosa mas pèrd: 14-19.
Dimenge, los occitans se son impausats en tèrra catalana: 30-20 per Limós a Palau e victòria de Lesinhan a Sant Estève contra los Dragonets: 31-22. Atal, Lesinhan se trapa sol en cap de classament amb 3 victòrias per 3 partidas.
Dissabte, Albi recebrà Carcassona e Avinhon serà a Tolosa. Dimenge, afrontament verd e blanc al Molin entre Lesinhan e Vilanuèva e dèrbi catalan a Sant Estève entre los Dragonets e Palau.
XIII cadieral: Lo punt d’aur fatal als Blaus
A Londres, en finala del campionat europèu de XIII cadieral, los Blaus tornavan trapar los angleses. Menavan 16-12 a la pausa, 24-24 a la fin del temps reglamentari, e daissèron al punt d’aur lo trofèu sus un ensag anglés: 28-24.
Un pauc de bona lectura amb XIII- Magazine
Cal legir lo numèro 2 (setembre de 2015) de XIII Magazine que presenta la sason novèla al país e sus la planeta. Publica ma croniqueta occitana:
“Al temps de vendémias: la sason novèla de XIII ven de reprene! En Federala, fa gaire, las primièras partidas èran sistematicament remesas per rasons de vendémias. Atal, l’espòrt se marcava plan mai dins l’anar de la vida vidanta. Quand las partidas venián mai rudas, arribava que las castanhas acompanhèsson lo vin novèl! Nadal o Cap d’An fasián fèsta amb de partidas internacionalas. Quand Carnaval veniá, l’esquipa de Limós perdiá l’orèmus. La nèu o la fanga arrestavan pas los jogaires de rugbi, estatuficats sens passar entre las mans d’un escalpraire. La prima veniá puèi amb sas partidas eliminatòrias e sas finalas: la jòia, las flors e los cants per celebrar las victòrias o se remetre de las desfaitas. Pro de l’estiu per se pausar, se contar la sason passada e preparar la sason venenta. Alara: seguir lo temps que passa, la ronda de las sasons e los reviscòls annadièrs o considerar d’èsser los mèstres d’un temps perpetual que finirà que nos chaparà?”
(Abonament: 38 €, a l’òrdre de Treize-Rugby-Events, a l’adreiça seguenta: Axe-Sud 49, Grand Carrièra Sant Miquèl, 31400 Tolosa).
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari