Dàvid Grosclaude a mandat una letra als dos deputats socialistas que votèron contra la proposicion de lei presentada dijòus passat pel deputat ecologista breton Paul Molac. Aqueles dos deputats, un de Peiregòrd e l’autre de Vivarés, avián afirmat plusors còps lor sosten a la promocion de las lengas mal nomenadas “regionalas”, e en particular a l’occitan, çò precisa Grosclaude.
 
La proposicion de lei que Molac presentava cercava una proteccion de las lengas territorialas autras que lo francés dins l’ensenhament public e dins los mèdias. De fach, inicialament, lo vòte l’avián ganhat los partisans de la lei per 13 vòtes contra 10, e la lei èra presentada pel deputat breton Paul Molac. Mas sul pic apareguèron quatre letras de quatre deputats absents ont afirmavan que lors vòtes èran contraris e, doncas, lor vòtes ostils foguèron comptabilizats per poder ben véncer la proposicion de lei sus las lengas. Doas d’aquelas letras èran dels deputats que Grosclaude lor a escrich.
 
Dins la letra, que la transcrivèm çai jos, l’occitanista se mòstra estonat e demanda s’es vertat qu’an demandat al delegat que votèt a lor plaça un vòte ostil, e s’èra lo cas, lor demanda perqué. En mai d’aquò, Grosclaude lor remembra lor engatjament per la ratificacion de la Carta Europèa de las Lengas Regionalas (sic) o Minoritàrias e lor demanda perqué an cambiat de posicion.
 
Grosclaude encoratja lo mond a escriure a aqueles deputats. “Tot cadun que pòt tornar prene aquera letra e l’enviar a aqueths dus deputats e tot cadun que se’n pòt inspirar entà escríver au son deputat, de dreita o d’esquèrra, absent aqueth ser”.
 
Per aquò far, las adreiças electronicas d’aqueles deputats son: deguilhem@assemblee-nationale.fr e pterrasse@assemblee-nationale.fr.
 

fffff				fffff
	Sénher deputat,   Apreni qu’avètz votat contra la proposicion de lei tocant las lengas regionalas qu’èra discutida dijòus passat dins l’emicicle.   En avent en memòria mai d’una de las vòstras intervencions fòrça favorablas al desvolopament de la lenga occitana e de las autras lengas regionalas, que m’estoni de vòstre vòte.   Apreni qu’avètz votat per procuracion. Soi fòrça estomagat pel fach que vòstre grop aja demandat l’aplicacion d’una procedura de vòte qu’es arribada al regèt de l’ensemble del tèxt, mentre que justament lo govèrn èra dispausat a n’acceptar una partida.   Desiri de saber s’avètz demandat a la persona qu’a votat per vos un vòte contrari.   Saique avètz causit de vos opausar a aquel tèxt? Tombant lo cas, desirariái de saber perqué.   Ne profièchi tanben per m’estonar de l’abséncia de la màger part dels deputats de vòstre grop en sesilha mentre que justament lo president de la Republica considerava, fa gaire, la ratificacion de la Carta Europèa. Tanben ai lo remembre del vòte en 2014, de vos e de vòstres collègas, de la proposicion de lei tocant aquela meteissa ratificacion e presentada amb d’excellents arguments per vòstre collèga J.J. Urvoas.   Que s’es passat dempuèi? Avètz cambiat de posicion?   Comprenètz que los militants que dins lors associacions, pertot en França e particularament en Occitània, se baton per que se vòte enfin una lei sus las lengas regionalas e son fòrça decebuts. Se senton enganats, guilhats per l’actitud de lors representants a l’Assemblada Nacionala.   En esperant vòstra responsa vos prègui de creire, Sénher deputat, a las miás saludacions occitanistas.   Dàvid Grosclaude		Monsieur le député,   J’apprends que vous avez voté contre la proposition de loi concernant les langues régionales qui était discutée jeudi dernier dans l’hémicycle.   Ayant en mémoire plusieurs de vos interventions très favorables au développement de la langue occitane et des autres langues régionales, je m’étonne de votre vote.   J’apprends que vous avez voté par procuration. Je suis très choqué par le fait que votre groupe ait demandé l’application d’une procédure de vote qui a abouti au rejet de l’ensemble du texte, alors même que le gouvernement était disposé à en accepter une partie.   Je souhaite savoir si vous avez demandé à la personne qui a voté pour vous un vote contre.   Peut-être avez vous choisi de vous opposer à ce texte? Dans ce cas je souhaiterais savoir pourquoi.   J’en profite aussi pour m’étonner de l’absence de la plupart des députés de votre groupe en séance alors même que le président de la République envisageait il y a peu la ratification de la Charte européenne. J’ai aussi le souvenir du vote en 2014, par vous et vos collègues, de la proposition de loi concernant cette même ratification et présentée avec d’excellents arguments par votre collègue J.-J. Urvoas.   Que s’est-il passé depuis? Avez vous changé de position?   Vous comprenez que les militants qui dans leurs associations, partout en France et particulièrement en Occitanie, se battent pour que soit enfin votée une loi sur les langues régionales sont très déçus. Ils se sentent trompés, floués par l’attitude de leurs représentants à l’Assemblée Nationale.   En esperant vòstra responsa vos prègui de creire, Sénher deputat, a las miás saludacions occitanistas.   David Grosclaude

---