Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautTolosan

Dàvid Grosclaude quita l’Ofici Public de la Lenga Occitana en èsser pas mai elegit regional

“Çò d’important qu’ei de crear l’aisina, l’atruna per la politica publica. Ara que l’avèm”

Dàvid Grosclaude quita l’Ofici Public de la Lenga Occitana (ÒPLO). “Que me’n vau pr’amor que non soi pas mei elegit de la region d’Aquitània; lo president de l’Ofici que deu estar l’elegit d’ua region e donc que cau cambiar de president”, çò explicava Grosclaude a l’emission occitanofòna de France 3.
 
“Qu’ei lo jòc de la democracia!”, çò precisava Grosclaude, que se mostrava traquil sus l’avenidor d’aquel organisme que necessitèt quitament una cauma de la fam per s’aviar. “Jo que cresi en l’intelligéncia collectiva, las causas que se hèn de faiçon unicament individuala non i cresi pas tròp, donc, se i a ua volontat politica —e que’m sembla que los dus presidents de las duas navèras regions qu’an marcat la lor volontat d’avançar—, se i a ua navèra volontat tanben deu mond associatiu de poder collaborar dab l’Ofici e dab l’ensemble de la societat occitana, que pensi que non i a pas nat problèma”, çò ditz. En mai d’aquò precisa: “Çò d’important qu’ei de crear l’aisina, l’atruna per la politica publica. Ara que l’avèm.”
 
L’organisme public que deu definir la politica publica per la nòstra lenga a cambiat gaireben tot son conselh d’administracion. “Sus sheis elegits de las duas regions, n’i a cinc que non tornan pas dens las assembladas, donc, que seràn quasi tots navèths elegits que vieneràn a l’Ofici Public de la Lenga Occitana”, çò precisa Grosclaude. Ça que la, lo grop de professionals dirigits per Estève Cròs, aquò cambiarà pas, e quitament i aurà de nòu personal engatjat que seràn permanents, son eles “que seràn encargats d’aplicar la politica voluda peu conselh d’administracion.”
 
Grosclaude es ara en cèrca d’una actitivat professionala e demòra “un militant occitanista” que va “demorar present, aquò qu’ei segur!”.
 
 
L’Ofici Public de la Lenga Occitana
 
L’Ofici Public de la Lenga Occitana (ÒPLO) es un organisme public que sa tòca es de definir una politica publica en favor de l’occitan. Es installat dempuèi lo 12 de novembre passat al rectorat de Tolosa.
 
Se tracta d’un esplech que deu “permetre de menar una vertadièra politica publica per l’occitan a l’escala de mai d’un territòri”, segon çò que publicava la Setmana, que comparava l’ÒPLO amb los oficis ja existents al Bascoat e en Bretanha. Ditz que la tòca del nòu organisme serà de far trabalhar amassa de collectivitats e d’operators sul terren.
 
 
Una cauma de la fam per l’obténer
 
E mai se la creacion de l’ÒPLO foguèt aprovada en 2014 pels conselhs regionals de Miègjorn-Pirenèus e Aquitània, calguèt que Dàvid Grosclaude faguèsse una cauma de la fam d’una setmana per que se publiquèsse lo decret necessari dins lo Jornal Oficial de l’estat francés.
 
Se pòt dire que la cauma de la fam de Grosclaude, de mai d’una setmana, faguèt espelir en Occitània, amb de sostens internacionals, un movement de revòlta pacifica e solidària organizat jos l’eslogan “N’i a pro d’èsser mespresats”. L’eslogan faguèt lo torn d’Internet e dels rets socials, sovent amb las fotografias de caras d’occitanistas de divèrsas sensibilitats e d’amics de la causa occitana. Lo 3 de junh, s’organizèt una jornada de mobilizacion, e una compatriòta, Evalina Houlès, decidiguèt de far ela tanben una cauma de la fam.
 
 
 

Entretien avec David Grosclaude
 
 
 
 
 
 
 
 



Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

E Passa Que T'ai Vist Lo Clapàs (Montpelhièr)
32.

Dàvid Grosclaude quita l’Ofici Public de la Lenga Occitana. Om pot comprene lo lassitge de l'ome. Malurosament aquèsta decision es una error de las grandas. Mai que mai quand om s'entrèva que vai èsser remplaçat per una non-occitanofona (!) qu'a pas qu'una ideia teorica e approssimativa de ço qu'es l'occitan. Ai paur que l'estat parisiano-jacobin se regaudigue d'aver d'ara en davant en facia d'èl un adversari tan pauc acarnassit que l'èra lo David Grosclaude.

  • 0
  • 0
francesc Palma de Mallorca
31.

A despart d'acò. Se facet a Palma la dictada occitana amb la participacion aproximada d'unas vint personas. Per mi foguet un succés impotant perquè jamai havia estat a un acte com aqueste, e m'agradet força. Nos dictaren lo texte de l'eriç ,lo mateis que s'ha dictat per tota Occitania,e Catalunya. Tamben legiguet lo texte un jove de Carcassona que està estudiant català a l'universitat de les Illes Balears, e foguet ben aplaudit e ovacionat. Al final festa, sopar de pan amb oli e tomatiga ,champanh, lo de Carcassona cantet e toquet la guitarra e finalament totes drets canterem Aquelas montanhas,....

  • 1
  • 0
Dje Lokoland
30.

'mics, òm se'n fot...
Que siá un...
otis
utis
ustensem
utilis
outils
fotilus
ustensilius
esplex
aplech
esplesg
ferramenta
tools
eina
'adatan

Çò d'important es que l'OPLO fonccione e siá eficaç...

  • 3
  • 0
Artur Andòt Prada
29.

#28 Utentem e utensem pas utentim e utensim, que soi fatigat aqueste ser lol

  • 0
  • 0
Artur Andòt Prada
28.

#16 Utís non deu pas viéner d'utilis, mei probablament d'un derivat d'utor,possiblament de l'adjectiu utens, o meilèu d'ua fòrma non classica de l'accusatiu d'utens: utensim (en plaça d'utentim) possiblament per atraccion de utensilium. utens(im)>utins > utís.

  • 0
  • 0

Escriu un comentari sus aqueste article