Actualitats
Rugbi de XIII: bona pascada pels Dragons e per Carcassona
Pascas es un temps propici pel rugbi vist que los uòus de Pascas son l’imitacion de la palma ovala!
Alan Roch
En Superliga, las partidas s’encadenan
Lo Bon Divendres (Divendres Sant) se dobriguèt dijòus de ser per la victòria de Castleford sus Leeds (18-14). Lo divendres, los dobles W prenguèron lo poder: Warrington ganhèt la partida dels caps de fila contra Widnes (28-10) e demòra lo sol sens desfaita; Wigan demòra just darrièr en anant ganhar a Saint Helens 24-12 e Wakefield bat Huddersfield dins una partida entre mal classats: 36-22. A Hull, èra jorn de dèrbi, Hull KR menèt 20-0 mas Hull FC ganhèt: 22-20!
Los Dragons, eles, jogavan a Salford: Gigòt marquèt lo primièr, Horo se feriguèt a la 10a minuta e lo pilar Taylor joguèt centre tota la partida! Los Dragons tenguèron los Diables a distància per ganhar fin finala 26-12 e... Taylor marquèt dos ensages.
E aqueste diluns de Pascas, Warrington perdèt son invincibilitat cò d’Hull FC 24-26, Leeds coneguèt tornarmai la desfaita e a domicili fàcia a Wakefield 16-20, Salford ganha a Huddersfield 26-24 e Saint Helens va batre Widnes 20-12. Wigan bat Hull KR 30-16 e rejonh Warrington en cap del classament.
Los Dragons recebián los Tigres de Castleford a Brutus davant mai de 10 000 espectators (10 351 per èsser precís). Los catalans dobrissián la marca per Broughton (transformacion de Tomàs Bòsc, plaçat a la mesclanha). Los angleses replicavan amb un ensag del centre Minikin. Los Dragons prenián d’avança mercé a dos ensages transformats, signats Anderson e Carney, per menar 18-4. Los angleses se mostravan mai vius e mai incisius e tornavan a 18-16, e mai Morgan Escarré, per sa primièra aparicion de la sason a l’arrièr, marcava just sus la còrna: 22-16 pels Sang e Aur.
Tre la represa, l’arrièr catalan anava en Tèrra Promesa aprèp una finta de passa e un cambiament de pè. Todd Carney e Paul Aiton portavan lor contribucion al planchòt (transformacions de Bòsc, en prima). E se Castleford ajustava los 6 punts d’un ensag de Monaghan transformat per Luke Gale, Escarré ajustava un tombat a la marca catalana: 41-22. Una victòria que plaça los catalans a 4 punts dels caps de fila e en 4a posicion. Tresena plaça en jòc dissabte (6 oras del vèspre), a Brutus tornar, amb la recepcion de Widnes.
NRL: lo revenge de la finala
En Austràlia, la partida-revenge de la finala d’octòbre entre Brisbane e Vaquièrs deguèt anar a la prolongacion, mas aqueste còp es Milford qu’ensaquèt lo tombat e Brisbane que ganhèt: 21-20.
Los Polets-Roosters se fan batre 22-20 dins las darrièras minutas per Manly e los Lapinons son tanben en dificultat: desfaita 12-42 fàcia als Dògols.
Carcassona e Limós dirèctament en mièjas finalas
En Elèit 1, quatrena jornada e debuta de las partidas retorn de la segonda fasa. Las causas se decantan.
En pola A, amb la recepcion de Carcassona, Lesinhan jogava una carta decisiva per una preséncia dirècta en mièja finala. Cadun teniá compte de las indisponibilitats: Carcassona se presentava amb un parelh inedit de centres e, a Lesinhan, lo segonda linha Williams èra encargat del pòst de mièg de dobertura! Lesinhan dobrissiá la marca, mas Alèxi Escamilla egalizava. Los locals prenián l’avantatge, Delgado tornava marcar 10-10 mas las dètz darrièras minutas del primièr temps èran pels Canaris: dos ensages de Percy e Soum transformats e un tombat: 23-10 a la còrna.
Lesinhan fasiá son retard a la represa 23-22, puèi 29-28 mas dos ensages de Towers e del mesclanha Kayne Lawton (melhor jogaire sus la pelena) asseguravan la victòria a l’AE Carcassona (37-28) que se qualifica dirèctament per las mièjas finalas del 7 de mai a Fois, coma Limós. Las doas formacions se jogaràn la primièra plaça dimenge a Domèc, mas Carcassona a un retard de 22 punts a remontar: mission impossibla?
En pola B, Avinhon pren la primièra plaça e la perspectiva d’un quart a domicili en estofegant los Dragonets 28-12. Aqueste dimenge 3, los Dragonets recebon Albi a Sant Estève.
En pola C, Palau s’assegura la primièra plaça, sinonim de partida de barratge a domicili contra lo 3n del grop B, en ganhant contra Vilanuèva. Dissabte, Palau jogarà a Tolosa.
De saupre
— Albi jogarà la finala de la Copa Nitard dels juniors contra Lesinhan, vist qu’Avinhon pèrd la mièja finala sul tapís verd (tròp de partidas en esquipa primièra per unes jogaires).
— Dissabte 16 d’abril, Tolosa recebrà Leigh (formacion del Championship) a Blanhac pel compte dels setzens de la Cup http://www.to13.com/2016/03/23/challenge-cup-le-tirage-du-5e-tour/ . Aqueste dimenge, los tolzans jògan al País de Galas contra los Escorpions.
— Federacion. Lo Congrès de la Federacion se farà pas dins la serenitat. Lo president Zalduendo, en vesita d’explicacion de sa politica en Aude dimècres passat, a vist sos interlocutors daissar la sala al cap de 5 minutas!
Alan Roch
Lo Bon Divendres (Divendres Sant) se dobriguèt dijòus de ser per la victòria de Castleford sus Leeds (18-14). Lo divendres, los dobles W prenguèron lo poder: Warrington ganhèt la partida dels caps de fila contra Widnes (28-10) e demòra lo sol sens desfaita; Wigan demòra just darrièr en anant ganhar a Saint Helens 24-12 e Wakefield bat Huddersfield dins una partida entre mal classats: 36-22. A Hull, èra jorn de dèrbi, Hull KR menèt 20-0 mas Hull FC ganhèt: 22-20!
Los Dragons, eles, jogavan a Salford: Gigòt marquèt lo primièr, Horo se feriguèt a la 10a minuta e lo pilar Taylor joguèt centre tota la partida! Los Dragons tenguèron los Diables a distància per ganhar fin finala 26-12 e... Taylor marquèt dos ensages.
E aqueste diluns de Pascas, Warrington perdèt son invincibilitat cò d’Hull FC 24-26, Leeds coneguèt tornarmai la desfaita e a domicili fàcia a Wakefield 16-20, Salford ganha a Huddersfield 26-24 e Saint Helens va batre Widnes 20-12. Wigan bat Hull KR 30-16 e rejonh Warrington en cap del classament.
Los Dragons recebián los Tigres de Castleford a Brutus davant mai de 10 000 espectators (10 351 per èsser precís). Los catalans dobrissián la marca per Broughton (transformacion de Tomàs Bòsc, plaçat a la mesclanha). Los angleses replicavan amb un ensag del centre Minikin. Los Dragons prenián d’avança mercé a dos ensages transformats, signats Anderson e Carney, per menar 18-4. Los angleses se mostravan mai vius e mai incisius e tornavan a 18-16, e mai Morgan Escarré, per sa primièra aparicion de la sason a l’arrièr, marcava just sus la còrna: 22-16 pels Sang e Aur.
Tre la represa, l’arrièr catalan anava en Tèrra Promesa aprèp una finta de passa e un cambiament de pè. Todd Carney e Paul Aiton portavan lor contribucion al planchòt (transformacions de Bòsc, en prima). E se Castleford ajustava los 6 punts d’un ensag de Monaghan transformat per Luke Gale, Escarré ajustava un tombat a la marca catalana: 41-22. Una victòria que plaça los catalans a 4 punts dels caps de fila e en 4a posicion. Tresena plaça en jòc dissabte (6 oras del vèspre), a Brutus tornar, amb la recepcion de Widnes.
NRL: lo revenge de la finala
En Austràlia, la partida-revenge de la finala d’octòbre entre Brisbane e Vaquièrs deguèt anar a la prolongacion, mas aqueste còp es Milford qu’ensaquèt lo tombat e Brisbane que ganhèt: 21-20.
Los Polets-Roosters se fan batre 22-20 dins las darrièras minutas per Manly e los Lapinons son tanben en dificultat: desfaita 12-42 fàcia als Dògols.
Carcassona e Limós dirèctament en mièjas finalas
En Elèit 1, quatrena jornada e debuta de las partidas retorn de la segonda fasa. Las causas se decantan.
En pola A, amb la recepcion de Carcassona, Lesinhan jogava una carta decisiva per una preséncia dirècta en mièja finala. Cadun teniá compte de las indisponibilitats: Carcassona se presentava amb un parelh inedit de centres e, a Lesinhan, lo segonda linha Williams èra encargat del pòst de mièg de dobertura! Lesinhan dobrissiá la marca, mas Alèxi Escamilla egalizava. Los locals prenián l’avantatge, Delgado tornava marcar 10-10 mas las dètz darrièras minutas del primièr temps èran pels Canaris: dos ensages de Percy e Soum transformats e un tombat: 23-10 a la còrna.
Lesinhan fasiá son retard a la represa 23-22, puèi 29-28 mas dos ensages de Towers e del mesclanha Kayne Lawton (melhor jogaire sus la pelena) asseguravan la victòria a l’AE Carcassona (37-28) que se qualifica dirèctament per las mièjas finalas del 7 de mai a Fois, coma Limós. Las doas formacions se jogaràn la primièra plaça dimenge a Domèc, mas Carcassona a un retard de 22 punts a remontar: mission impossibla?
En pola B, Avinhon pren la primièra plaça e la perspectiva d’un quart a domicili en estofegant los Dragonets 28-12. Aqueste dimenge 3, los Dragonets recebon Albi a Sant Estève.
En pola C, Palau s’assegura la primièra plaça, sinonim de partida de barratge a domicili contra lo 3n del grop B, en ganhant contra Vilanuèva. Dissabte, Palau jogarà a Tolosa.
De saupre
— Albi jogarà la finala de la Copa Nitard dels juniors contra Lesinhan, vist qu’Avinhon pèrd la mièja finala sul tapís verd (tròp de partidas en esquipa primièra per unes jogaires).
— Dissabte 16 d’abril, Tolosa recebrà Leigh (formacion del Championship) a Blanhac pel compte dels setzens de la Cup http://www.to13.com/2016/03/23/challenge-cup-le-tirage-du-5e-tour/ . Aqueste dimenge, los tolzans jògan al País de Galas contra los Escorpions.
— Federacion. Lo Congrès de la Federacion se farà pas dins la serenitat. Lo president Zalduendo, en vesita d’explicacion de sa politica en Aude dimècres passat, a vist sos interlocutors daissar la sala al cap de 5 minutas!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari