Actualitats
La “diada” de Catalonha Nòrd a ongan l’accent occitan
La CUP denóncia l’occitanofobia de la campanha contra lo nom de la region, e revendica que catalans e occitans luchem ensems contra lo centralisme parisenc
La “diada” de Catalonha Nòrd aurà ongan l’accent occitan. E mai se la campanha contra lo nom de la region, ara nomenada Occitània, marca uèi los actes de la fèsta nòrdcatalana, la CUP de Perpinhan vòl far una revendicacion qu’ane mai luènh, e la far de la man dels fraires occitans. “Lo nom es una clòsca voida, organizem-nos”, çò dison los independentistas, que denóncian “l’apròchi comunataurista, populista e partisan qu’acompanha tròp sovent las revendicacions a l’entorn del nom, en designant los occitans —victimas de las meteissas manòbras centralistas— coma nòstres enemics”.
Dins aquel sens, parlaràn dins l’acte nòrd-catalan la deputada aranesa Mireia Boya e lo professor provençal Gerard Joan Barceló, en nom d’Iniciativa per Occitània. Los dos representants occitans son d’opinants de Jornalet, e mai Barceló es un dels membres mai actius de la còla de redaccion.
L’acte se ten a 11h sus la plaça dels Peluts de Perpinhan e serà seguit d’una manifestacion.
La “diada” nòrd-catalanana remembra lo Tractat dels Pirenèus signat lo 7 novembre de 1659: en aquela data, las comarcas nòrd-catalanas demorèron separadas administrativament de la rèsta de nacion catalana en passant jos la sobeiranetat de l’estat francés.
Dins aquel sens, parlaràn dins l’acte nòrd-catalan la deputada aranesa Mireia Boya e lo professor provençal Gerard Joan Barceló, en nom d’Iniciativa per Occitània. Los dos representants occitans son d’opinants de Jornalet, e mai Barceló es un dels membres mai actius de la còla de redaccion.
L’acte se ten a 11h sus la plaça dels Peluts de Perpinhan e serà seguit d’una manifestacion.
La “diada” nòrd-catalanana remembra lo Tractat dels Pirenèus signat lo 7 novembre de 1659: en aquela data, las comarcas nòrd-catalanas demorèron separadas administrativament de la rèsta de nacion catalana en passant jos la sobeiranetat de l’estat francés.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Naturalment que hem d'anar ensems contra lo chovinisme de merda del govern central parissien. París fotetz al camp.
Vòl ieu qu'Occitania actuala (la Region) siá annexada a la futura Catalunya Independenta, e nommada globalament Catalunya. Atal, la lei per l'Occitan, valabla en la soleta Val d'Aran, serà espandida a tot lo centre d'Occitania (totala) e aurem enfin benlèu la possibilitat de salvar la lenga. Del nom, me'n tondi. Çò que volèm, son d'actes, pas d'orguèlh dels unes contra los autres, mas de fiertat comuna !
Que Barcelona era pas la capitala del Departament de las Bocas de l'Ebre, cresi que n'era Tortosa. Barcelona era la capitala del Departament de Montserrat. Los altres departament catalans de la Catalonha Sud que eran lo del Ter (capitala Girona) e lo del Segre (capitala Lheida).
Comunaturista o comunitaurina en çò de las catalanananananananas?
M. A.
podèm qu'aprovar aquela manifestacion salutària e remembrar qu'avèm de se felicitar de la derrota de Napoléon en 1814 que deguèt abandonar l'Espanha conquistada e dispareiguèt ansin lo despartament dei"bouches de l'Ebre"chef-lieu Barcelone que se foguèsse restat dins l'estat francés, ara se parlariá plus gaire catalá a Barcelona coma vuei a Perpinya e que sobrarián d'aqui e d'ailà en Catalonha de rodols onte lei vielhs assetats sus de bancs au canhard s'esprimarián encara dins la lenga dau pais
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari