Los piratas aprofièchan la reüssida de l’aplicacion de messatjariá instantanèa Whatsapp per propagar un nòu virus que pòt obténer las donadas del telefòn coma, entre d’autras, los còdes confidencials de las bancas en linha.

Segon IB Times, los fichièrs dels virus an de noms de grandas organizacions coma NDA o NIA (Acadèmia Nacionala de Defensa e Agéncia Nacionala d’Investigacion, respectivament) e un còp que l’usatgièr a clicat suls fichièrs, las informacions del telefòn (donadas bancàrias compresas) son a la mercé dels piratas.

Los servicis de seguretat an notificat en Índia sul virus que circula a travèrs dels messatges de Whatsapp. Los fichièrs son capables d’accedir a las donadas de debutas de session, als identificadors o als còdes secrets, entre d’autras.

Coma totjorn, en cas de piratatge o de propagacion de qualque tipe de logicial malvolent, çò mai conselhable es d’acceptar pas de fichièrs desconeguts ni de ligams que lor origina es de mal conéisser, e de far atencion als descargaments non oficials.