CAPÇALERA2: AMICS DE JORNALET

Jornalet, gaseta occitana d'informacions

Dimenge, 30 d'abril

Actualitats

Dimars, 7 de març de 2017, 03h00 Espòrt

Rugbi de XIII: ASC-FCL, rendètz-vos bèl, dimenge 12 de març a Carcassona

Lo mond tretzista camina sus sos dos pès amb la represa de la competicion NRL en Austràlia


Comentaris Cap de comentari    
Marrit Flac Bon Plan bon Fabulós (1 vòte)
carregant En cargar


Dissabte 11 de març, lo Tolosa Olimpic reçauprà los Lions de Swinton a Blanhac (6 oras del vèspre)





Etiquetas
roch, rugbi, rugbi xiii, xiii

14-14: Los Vikings destrempan la defensa catalana
 
La tresena jornada de Superliga suspren amb lo carton passat per Castleford a Leeds: 66-10, la victòria d’Hull-FC cò d’Huddersfield: 48-8, la tresena desfaita de Warrington (cò de Salford: 24-14 ), e la victòria de Wakefield a Saint Helens: 16-12.  Sola marca logica: la victòria de Wigan sus Leigh: 20-0.
 
A Brutus, lo public aviá bon espèr de veire una tresena victòria dels Dragons en seguida fàcia als Vikings de Widnes. Se joguèt jos una pluèja que transformèt lo terren en fangàs. Los catalans mestregèron la partida pendent 38 minutas per menar 14-0. Mas los Vikings marcavan dins la darrièra minuta del primièr temps: 14-6 e i tornavan a la represa: 14-10. Los catalans dominavan, mas marcavan pas. Benjamin Garcia pausava la palma 2 cm abans la rega! E a cinc minutas del tèrme, los vesitaires egalizavan 14-14. La temptativa pietadosa de tombat dins la darrièra minuta del dobertura Walsh veniá coma un simbòl de la serada mancada dels Sang e Aur.
 
Divendres, lo viatge cò de Leeds serà complicat que lo Rinocèros se serà fait brandir las pelhas aprèp lo rescontre de Castleford.
 
Al programa de la jornada venenta: dijòus, lo revenge de la finala de 2016: Warrington-Wigan; divendres: Hull-St Helens (que serà lo 18 a Brutus), Leigh-Huddersfield; dimenge: Wakefield-Salford e Widnes-Castleford.
 
En U-19, la partida se joguèt a Sant Estève e los catalans batèron Widnes 37-34.
 
 
Championship: primièra victòria mondina en Anglatèrra
 
Mercé a una penalitat dels 40 mètres a 4 minutas de la fin, lo Tolosa Olimpic ganha a Halifax: 12-10 dins de condicions meteorologicas tipicament anglesas. Dissabte, lo TO reçauprà a Blanhac (6 oras del vèspre), los Lions de Swinton.
 
 
NRL: las Làmias an mal als caissals
 
En Austràlia, la competicion NRL a représ amb la desfaita dels campions, las Làmias de Cronulla, sus lor pelena contra Brisbana: 26-18. Divendres, los West Tigers anèron ganhar cò dels Lapinons: 34-18. Los Dragons de Sant Jòrd Illawara prenon lo cap del classament amb una victòria 42-10 sus las Pantèras de Penrith.
 
En cap d’aficha de la segonda jornada: dijòus: Polets-Dògols; divendres: Bròncos-Vaquièrs; dimenge: Dragons-Paramatta.
 
 
Elèit 1: dimenge festiu a Domèc
 
En Elèit 1, aqueste dimenge 5 de març, en partida avançada, al tèrme d’un rescontre vodat a l’ataca, Palau daissa la victòria 28-22 a Avinhon.
 
Seguiràn dissabte: Albi-Limós e Tolosa-Vilanòva; dimenge: St Gaudenç-Dragonets e, a l’estadi Domèc, l’afrontament dels caps de fila entre l’AS Carcassona e lo primièr del classament: los vesins de Lesinhan. Una escasença pels Singlars de Corbièras d’afirmar lor superioritat mas los Canaris se batràn fins a la darrièra pluma e a la darrièra becada. Lo public picarà fòrt de las mans e, en particular, totes los qu’auràn pres part a la taulejada d’abans partida (inscripcion al prèp del secretariat de l’ASC: +33(0)4 68 47 74 74).
 
 
Copa: Lesinhan-Limós en mièja finala
 
Dijòus, se tirèron dins los locals de la Federacion de Carcassona las mièjas finalas de la Copa que se debanaràn la dimenjada dels 22 e 23 d’abril. Lo sòrt causiguèt las oposicions Lesinhan-Limós e Carcassona-Albi que se debanaràn al Molin e a Domèc.
 
 
Interès esportiu e toristic del GPS
 
Tèxte de la Croniqueta occitana del n° de febrièr de la revista XIII-Magazine:
 
L’Òme-Nadal menèt GPS pels jogaires campions de França. Pòdon atal utilizar totes los benfaches esportius que ne tirarà la direccion tecnica aprèp estudis de chifras, de corbas, de percentatges, de cronometratges, de posicionaments…
 
Mas lo GPS se poiriá tanben utilizar, un còp la partida acabada, per permetre als vesitaires de descobrir las riquesas dels païses occitan e catalan: la Ciutat de Carcassona, las arcadas per dançar Carnaval a Limós, l’auséncia de molin al Molin de Lesinhan, lo pont e la Ciutat dels Papas a Avinhon, una tuta d’ors prèp de Sent Gaudenç, la catedrala e lo musèu Tolosa-Lautrèc a Albi, lo Capitòli e l’inquet a Tolosa, una confisariá especializada en prunas d’Agen a Vilanòva, una òrta d’ensaladas a Sant Estève, lo camin del Canigó a Palau, una demostracion de castellers a Baó, l’Uòu al Clapàs, la claror de l’alba a L’Escura, las cavas de vin d’Argon, Ferrals o Vilagalhenc, la Tor dels Templièrs a Entraigas, los berlingòts de Carpentràs, los farçons de Vilafranca de Roergue, la plaça Bèlacort de Lion, lo Castilhet e la plaça de la Lòtja a Perpinhan…
 
Aquí pel GPS! Ça que la, se s’utilizava lo novèl sistèma europèu Galileo, demostrariam fòrt e ferme que nòstra Tèrra es pas planièra ni mai redonda, mas… ovala!
 
 
 
 
Alan Roch
 
 


abonar los amics de Jornalet



publicitat



Comentaris


I a pas cap de comentari




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Editorial

Entre la tecnocracia e lo populisme

Lo fach que i aja un partit d’ultradrecha permet que la drecha liberala se mòstre centrista e moderada. Lo filosòf e escrivan Michel Onfray se demandava dimenge passat se de verai la ...
giny

Lo temps

Mapa
  • pluja Agen 18 6
  • pluja Aush 22 4
  • nuvols_parcials Bordèu 17 6
  • sol Briançon 9 1
  • nuvols Caors 21 4
  • sol Carcassona 23 3
  • nuvols_parcials Clarmont-Ferrand 17 3
  • pluja Confolent 19 4
  • sol Gap 13 4
  • nuvols_parcials La Canau 17 6
  • nuvols_parcials La Gàrdia 17 9
  • nuvols La Torre de Pèlitz 15 8
  • pluja Limòtges 19 4
  • nuvols_parcials Lo Borg Sant Dalmatz 16 8
  • nuvols Lo Puèi de Velai 1
  • nuvols Marselha 16 7
  • nuvols Montpelhièr 14 8
  • pluja Naut Aran 22 -1
  • sol Niça 17 -1
  • nuvols Nimes 14 6
  • pluja Pau 19 4
  • pluja Peireguers 17 4
  • nuvols Rodés 23 4
  • nuvols Tolon 18 7
  • nuvols Tolosa 25 6
  • nuvols Valença 3

giny

giny

Entrevista

publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • © Celèsta Toion

    La plaja espaci de libertat? D'expression?

  • © Jacky Grau

    Manifestacion per l'occitan dins l'ensenhament public. Montpelhièr 16 de febrièr 2013

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • D'aiga. © Laurenç Revèst

    Remembres de Vaquí, emission en la Vau Clusa, novembre de 2005

  • Mentan

  • Occitan e economia: "occitanitat mai o mens visibla"

  • © Iñaki Delaurens

    Val d'Aran

  • Gavotina marítima: trofèu d'August e vila vielha d'A Torbia

  • © Laurenç Revèst

    Fòrt Maginòt de Sant Anhe

  • © Franc Bardòu

    Asuèlhs Bigordans

  • © Conselh Generau d'Aran

    Lo Torn de França 2016 en Aran

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • País de Rasés. © Franc Bardòu

    País de Rasés

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • 20u corsa Aran per sa Lengua. © Guillem Sevilla

    20u corsa Aran per sa Lengua

  • © Conselh Generau d'Aran

    Lo Torn de França 2016 en Aran

  • La Primada de Montsegur, 17 de març 2012

    Primada de Montsegur, 17 de de març 2012

  • Omenatge a Aragon. © Franc Bardòu

    Omenatge a Aragon

giny

Vidèos

Las mai...

publicitat


giny

Sondatge

Per qual votaràs al segond torn?


39%



15%



15%



2%



22%



7%




Vots 54 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

#aranésòc   5 ans   andreu   aran   aranésòc   barceló   betevé   brexit   catalonha   editorial   estats units   facebook   independéncia   infòc   leclercq   occitan   presidenciala   roch   rugbi   rugbi xiii   sapiéncia   sumien   trump   ue   xiii  
giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)