La fièra mondiala sus la tecnologia e la robotica, que ven de se téner a Hannover (Alemanha), a presentat ongan de robòts qu’escanerizan lo cervèl, capables de recebre d’òrdres dels umans e de preparar, per exemple, un cafè; tanben s’es mostrat un autobús autonòm.
 
Benlèu la novetat pus estonanta es un robòt que se contraròtla amb un escanèr e que legís las ondas cerebralas d’una persona, de sòrta que, quand la persona fa un movement, lo robòt lo torna far.
 
An tanben presentat un autobús sens menaire, que per mejan de captors e de camèras, fa un percors preestablit, arrèstes compreses.
 
Los engenhaires an explicat que la morfologia dels robòts a pas evolucionat. E mai se se podián far pus semblables als umans, aquò nos poiriá destorbar.