An trobat momificats dins la nèu los còrses d’un parelh desaparegut lo 5 d’agost de 1942, dins lo massís dels Diablerets, als Alps de Soïssa. Un tèst genetic deu ara confirmar que se tracta de las personas maridadas de las qualas se sabiá pas res dempuèi 75 ans. Los còrses perfièchament servats jasián l’un près de l’autre. A lor costat i aviá de morralets, una botelha, un libre e una mòstra. Los an trobats a 2615 mètres d’altitud. Es probable que tombèron dins una fendascla e foguèron cobèrts pel glaç d’un glacièr. Los an pogut trobar 75 ans pus tard a causa del cambiament climatic.
 
Lor disián Francine e Marcelin Dumoulin, avián 7 enfants que foguèron adoptats après la desaparicion. Una d’elas, Marcelina Udry-Dumoulin, qu’aviá alara 4 ans, explicava als mèdias qu’aviá consagrada sa vida a la recèrca de sos parents per lor poder dire los adieus coma caliá. “Avèm passat nòstra vida a los recercar sens relambi. Cresiam pas de lor donar un jorn las funeralhas que meritavan”, çò diguèt.