Actualitats
De joves victimas de la fusilhada de Florida demandan lo contraròtle de las armas
Los lobbies an creat una informacion falsa per descreditar los adolescents e far creire que son d’actors pagats per Hollywood al servici de l’esquèrra
Qualques unes dels adolescents que patiguèron al primièr plan la fusilhada que visquèt una escòla en Florida faguèron un vidèo per demandar lo contraròtle de las armas als Estats Units. Lor determinacion e la fòrça de lor testimoniatge explican que lor messatge se siá espandit massissament dins tot lo país.
Mas, ailàs, lo poderós discors d’aqueles gojats e gojatas contra los lobbies de las armas a semenat l’embarràs dins qualques sectors, qu’an fach córrer l’informacion falsa segon la quala los adolescents del vidèo serián pas que d’actors pagats per Hollywood, amb la tòca de geinar lor imatge e lo discors contra las armas.
La victima principala d’aqueles lobbies es estada David Hogg, un gojat de 17 ans, que son paire aviá trabalhat a l’FBI. Hogg sap plan parlar davant las camèras e a vesitat fòrça televisions estatsunidencas, çò qu’a pas agradat als lobbies de las armas. Per ansin, an publicat un vidèo ont mostravan David Hogg a parlar per una television de Los Angeles e ont se demandavan cossí lo jove se podiá trobar dins una television tan luènha de sa Florida, per ne tirar la conclusion qu’èra un actor pagat per l’esquèrra. Faguèron un vidèo per YouTube amb aquesta teoria, e aquela informacion falsa foguèt una de las mai popularas durant qualques oras.
David Hogg tornèt aparéisser a la television per desmentir qu’èra un actor. “Soi pas brica una manòbra de Clinton, ni mai un actor. Non soi qu’un testimòni”, çò diguèt.
YouTube se despachèt de levar lo vidèo fals. Totun, als Estats Units, las informacions falsas e las teorias de la conspiracion son fòrça popularas e intran dins l’opinion publica.
Mas, ailàs, lo poderós discors d’aqueles gojats e gojatas contra los lobbies de las armas a semenat l’embarràs dins qualques sectors, qu’an fach córrer l’informacion falsa segon la quala los adolescents del vidèo serián pas que d’actors pagats per Hollywood, amb la tòca de geinar lor imatge e lo discors contra las armas.
La victima principala d’aqueles lobbies es estada David Hogg, un gojat de 17 ans, que son paire aviá trabalhat a l’FBI. Hogg sap plan parlar davant las camèras e a vesitat fòrça televisions estatsunidencas, çò qu’a pas agradat als lobbies de las armas. Per ansin, an publicat un vidèo ont mostravan David Hogg a parlar per una television de Los Angeles e ont se demandavan cossí lo jove se podiá trobar dins una television tan luènha de sa Florida, per ne tirar la conclusion qu’èra un actor pagat per l’esquèrra. Faguèron un vidèo per YouTube amb aquesta teoria, e aquela informacion falsa foguèt una de las mai popularas durant qualques oras.
David Hogg tornèt aparéisser a la television per desmentir qu’èra un actor. “Soi pas brica una manòbra de Clinton, ni mai un actor. Non soi qu’un testimòni”, çò diguèt.
YouTube se despachèt de levar lo vidèo fals. Totun, als Estats Units, las informacions falsas e las teorias de la conspiracion son fòrça popularas e intran dins l’opinion publica.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Visca la luita dels joves pel control de las armas e que non torne a passar lo massel passat, que cada dos per tres, es torna a produir.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari