Actualitats
Bretanha: comença uèi la corsa per la lenga bretona
Apelada Ar Redadeg, la corsa espèra ongan d’obténer mai de 10 000 èuros per las escòlas Diwan e las associacions bretonistas
Comença uèi a Kemper (Bretanha) la desena edicion de la corsa per la lenga bretona nomenada Ar Redadeg, çò que vòl dire simplament “la corsa”. Percorrerà aperaquí 1800 quilomètres per Bretanha tota, fins al 12 de mai a Plougerne.
A l’entorn de la corsa s’organiza de concèrts, d’exposicions, de conferéncias, de jòcs e tota una tièra d’eveniments dins las vilas e vilatges per ont passa, en acampant d’argent per la lenga. L’edicion d’ongan espèra de culhir mai de 10 000 èuros.
La mitat de l’argent obtengut se dona a las escòlas Diwan, l’equivalent breton de las escòlas Calandreta. L’autra mitat se distribuís a las associacions que prepausan de projèctes per promòure lo breton. Los sòus s’amassan en vendent de quilomètres de la corsa que los crompan de personas individualas mas tanben d’associacions, d’entrepresas e d’administracions publicas. Las cinc edicions precedentas d’aquela corsa an atench mai de 500 000 èuros, segon de donadas dels organizaires.
Del 25 al 27 de mai en Bearn per l’occitan
Ongan en Bearn se tendrà una corsa similara per la lenga occitana en Bearn. Apelat La Passem, l’eveniment se tendrà del 25 al 27 de mai, e los participants poiràn córrer d’1 a 400 quilomètres en passant per un centenat de comunas del país. La tòca es de conscientizar sus la transmission de la lenga occitana, e la corsa l’organiza l’associacion Ligams.
Nationalia publica una entrevista de Kateliñ Al Laññ, directritz e coordinatritz d’Ar Redadeg
A l’entorn de la corsa s’organiza de concèrts, d’exposicions, de conferéncias, de jòcs e tota una tièra d’eveniments dins las vilas e vilatges per ont passa, en acampant d’argent per la lenga. L’edicion d’ongan espèra de culhir mai de 10 000 èuros.
La mitat de l’argent obtengut se dona a las escòlas Diwan, l’equivalent breton de las escòlas Calandreta. L’autra mitat se distribuís a las associacions que prepausan de projèctes per promòure lo breton. Los sòus s’amassan en vendent de quilomètres de la corsa que los crompan de personas individualas mas tanben d’associacions, d’entrepresas e d’administracions publicas. Las cinc edicions precedentas d’aquela corsa an atench mai de 500 000 èuros, segon de donadas dels organizaires.
Del 25 al 27 de mai en Bearn per l’occitan
Ongan en Bearn se tendrà una corsa similara per la lenga occitana en Bearn. Apelat La Passem, l’eveniment se tendrà del 25 al 27 de mai, e los participants poiràn córrer d’1 a 400 quilomètres en passant per un centenat de comunas del país. La tòca es de conscientizar sus la transmission de la lenga occitana, e la corsa l’organiza l’associacion Ligams.
Nationalia publica una entrevista de Kateliñ Al Laññ, directritz e coordinatritz d’Ar Redadeg
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Saviètz córrer tanben per la nosta lenga en Biarn 400km los 25-26-27 de mai 2018 !!! www.lapassem.com
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari