Actualitats
Aperitiu revendicatiu per l’occitan a la television publica
Aquela tresena mobilizacion del Collectiu Occitan se ten amb lo vam del sosten de qualques comunas e en vista de la futura reforma de l’audiovisual
La mobilizacion per l’occitan a la television publica contunha, amb lo vam del sosten obtengut per quaques comunas e comunautats de comunas, mai que mai de Montpelhierenc e Roergue, e en vista de la reforma de l’audiovisual public que se debanarà lèu dins l’estat francés.
Atal, jol lèma “Volèm l’occitan a la television” aurà luòc dimècres que ven, lo 6 de junh a 18h30, d’aperitius revendicatius davant los sètis de France 3 dins qualques vilas del país, dont Carcassona, Montpelhièr, Nimes, Rodés e Tolosa. La crida la fa totjorn lo Collectiu Occitan, qu’amassa un desenat de movements occitanistas dont Convergéncia Occitana, l’IEO, lo CRÈO, la Confederacion Calandreta, lo Partit Occitan, EELV Occitània, País Nòstre, lo Partit de la Nacion Occitana, Esquèrra Revolucionària Occitana, Bastir, Macarèl e l’Associacion Zou.
En seguida de las manifestacions que se tenguèron l’8 de novembre e lo 3 de febrièr passats, aquesta tresena accion de protèsta revendica totjorn “l’occitan cada jorn a la television, es a dire a France 3”, e ansin lo Collectiu Occitan precisa que “la mobilizacion es d’aitan mai necita que i a una ventolada de reduccions de crèdits a la television publica”. La revendicacion es neta e clara, s’exigís una “vertadièra television de país” amb de redaccions localas.
Una ora e quart per mes
A l’ora d’ara, la television publica francesa non prepausa d’emissions en occitan que 17 oras per an, çò que fa una mejana d’una hora e quart per mes. Aquela preséncia es infima se la comparam amb la preséncia de las lengas autoctònas a las televisions dels estats vesins coma Espanha, Soïssa o Belgica.
Sosten de las comunas
Lo Collectiu Occitan a demandat lo sosten de las comunas, mai que mai dels departaments d’Erau e Avairon, e a recebut de responsas positivas d’Agde, de l’aglomeracion de Seta, de Montpelhièr e de las comunautats de comunas de Clarmontés d’Erau e del país de Leveson.
Tanben an manifestat lor sosten las comunas de Pòrt la Novèla (Narbonés) e de Virsec, del causse de Larzac que fa partida del departament d’Erau. D’autres sostens son a arribar, çò que mòstra la volontat que i aja una preséncia pus digna de la lenga occitana dins la television publica del país.
Atal, jol lèma “Volèm l’occitan a la television” aurà luòc dimècres que ven, lo 6 de junh a 18h30, d’aperitius revendicatius davant los sètis de France 3 dins qualques vilas del país, dont Carcassona, Montpelhièr, Nimes, Rodés e Tolosa. La crida la fa totjorn lo Collectiu Occitan, qu’amassa un desenat de movements occitanistas dont Convergéncia Occitana, l’IEO, lo CRÈO, la Confederacion Calandreta, lo Partit Occitan, EELV Occitània, País Nòstre, lo Partit de la Nacion Occitana, Esquèrra Revolucionària Occitana, Bastir, Macarèl e l’Associacion Zou.
En seguida de las manifestacions que se tenguèron l’8 de novembre e lo 3 de febrièr passats, aquesta tresena accion de protèsta revendica totjorn “l’occitan cada jorn a la television, es a dire a France 3”, e ansin lo Collectiu Occitan precisa que “la mobilizacion es d’aitan mai necita que i a una ventolada de reduccions de crèdits a la television publica”. La revendicacion es neta e clara, s’exigís una “vertadièra television de país” amb de redaccions localas.
Una ora e quart per mes
A l’ora d’ara, la television publica francesa non prepausa d’emissions en occitan que 17 oras per an, çò que fa una mejana d’una hora e quart per mes. Aquela preséncia es infima se la comparam amb la preséncia de las lengas autoctònas a las televisions dels estats vesins coma Espanha, Soïssa o Belgica.
Sosten de las comunas
Lo Collectiu Occitan a demandat lo sosten de las comunas, mai que mai dels departaments d’Erau e Avairon, e a recebut de responsas positivas d’Agde, de l’aglomeracion de Seta, de Montpelhièr e de las comunautats de comunas de Clarmontés d’Erau e del país de Leveson.
Tanben an manifestat lor sosten las comunas de Pòrt la Novèla (Narbonés) e de Virsec, del causse de Larzac que fa partida del departament d’Erau. D’autres sostens son a arribar, çò que mòstra la volontat que i aja una preséncia pus digna de la lenga occitana dins la television publica del país.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 30 oras en occitan per setmana... Vai-zi manhac, fòra de faire "los occitanistas parlan als occitanistas" diga me consi faire per aver causas concretas, vertadièras que parlan de tot en lenga nòstra ? Se es 30 oras de propagan... Euh de promocion de l'occitanisme, en vesi pas l'interest personalament
Lo govern de la Region Occitania ha de demandar a F 3 que pose un duplex qu' es un sistema que permet emetre dos o tres canals per la mateissa freqüència, e demandar un canal pel Govern Regional per emetre en Oc.
La TDT permet emetre ins detz vegades mai canals que lo sistema que hi havia abans, actualament amb la TDT terrestra es possible emetre 100 canals facilament per una zona determinada. A Mallorca per la nova TDT terrestre s'en emeten uns 60. Tenen pas excusas per no donar un canal avui dia perqu' hi ha tantas posssibilitats per poder ampliar los canals, tots los qu' es vulga.
Las excusas de F3 de qu' es molt car la produccion dels programas, s' hi hagués un canal regional, es podrien passar los programas ja faits en las tv que ja existeissen e tamben de tv per internet, que costarien molt poc e que podrien omplir una graelha de tv normal. Lo govern Regional podria pagar los costs de la TV. Regional,car los costos d'emission son barats.
Es molt important que hajats televion en occitan, cada dia duas o tres horas, coma minim, per poder far viure la lenga . Es un dret que l'havets d'exigir coma o disen las Nacions Unidats e las Carta Europea de las Lengas Minorizadas, que l'Estat francès signet. Es alcançar una normalitat necessaria que ajuda a socializar la lenga nostra de maniera molt important. Està molt ben que tengats television en Oc per internet, mas cal tamben haver una television o hores en Oc pel terrestre.Las duas causas se complementan e s'ajudan entre elas. Los programas que ja estan feits es poden intercanviar entre elas.
Cal sumar, entre totas las possibilitats e segur que ho aconseguirets de haver unas horas en Oc diarias e en horari de màxima audicion. Manidestacions,denuncias davant los organismes de Brusseles pertinents, tot ho havets de far sensa daissarvos cap causa. Segurs la victoria sera vostra.
@4 es pas incompatible !
Qué fa qu’un siá sostengut per trabalhar a France 3 ? Personalament me'n foti plan, al contrari se poiriá nos sortir 30 oras de programas en occitan per setmana, m'agradiá a mòrt ! Critiquetz pas, propausatz d'apondre quicòm.
Un encontre per demandar mai d'occitan a France 3 empacha pas de tanben se bolegar pels mèdias occitans. Empacha pas de demandar de compte a l'OPLO, perque ieu tanben me demandi a qué son pagats aqueles.
Aumentem las iniciativas, vejam nos veire, sèm legitims. Siam benvolents.
Mercés
Seria benleu interessant de veire aqueles gens sostener los medias occitans que son escanats per l'OPLO. O a l'ara lo fach qu'un dels caps de las organisacions que portan aquela crida es emplegat de F3 ? Occitanisme rima totjorn amb oportunisme
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari