CAPÇALERA2: FAI-TE SOCI

Jornalet, gaseta occitana d'informacions

Dimècres, 20 de febrièr

editorial

Dimenge, 9 de setembre de 2018, 03h00

Pel drech d'aculhença


Comentaris 27 comentaris    
Marrit Flac Bon Plan bon Fabulós (14 vòtes)
carregant En cargar


Lo diluns 3 de setembre passat, la vila de Chemnitz, dins l’èst d’Alemanha, organizèt un concèrt solidari contra la xenofobia. Es atal que los ciutadans de Chemnitz se volguèron desmarcar de las manifestacions ultradrechistas qu’aviá viscut la vila dins los darrièrs jorns e qu’ocasionèron de rambalhs e de violéncias contra las personas immigradas. Ne publiquèrem una nòva sus Jornalet, e puèi i legiguèrem de comentaris que nos semblèron vergonhoses.
 
Es pas nòstra tòca de respondre a de comentaris racistas, e mai s'interpèlan dirèctament la redaccion d'aqueste jornal. Mas si que volèm remarcar, dins aqueste editorial, que l'avançada de l'ultradrecha en Euròpa es vertadièrament inquietanta. Mentre que la populacion es influenciada per una cèrta propaganda e comença de creire que los migrants son de marrits assalhidors violents, l'ultradrecha avança coma un lop vestit d’una pèl d'anhèl.
 
En Euròpa, las causas van mal. Grècia e Catalonha an demostrat que lo respècte de la  democracia es pas una prioritat d'aquesta Union Europèa que prioriza las bancas e los elèits financièrs sus las vidas de las personas. E sembla qu'aqueles eleits sián contents d'aver de grops ultradrechistas que denóncien los migrants coma los responsables de totes los problèmas, en fasent oblidar las politicas neoliberalas. Atal, Itàlia e Ongria signan d'acòrdis antiimmigracion, e en Occitània se vòta lo Front Nacional del temps que l'occitanitat despareis.
 
Per astre, aquelas politicas xenofòbas s’embroncan a un cèrt refús popular. A Chemnitz, qualques manifestants antifaissistas afirmèron que volián pas pus "repetir 1933-1945", del temps qu'a Milan, mentre qu'Orban e Salvini escometián l'UE a barrar sas frontièras, de milièrs d’autres manifestants arboravan de bandeiròlas contra lo populisme xenofòb, dont una remarcava que “lo vertadièr enemic es lo que causís las personas que te cal odiar".
 
L'an passat, en Catalonha, la societat civila se mobilizèt per aculhir los refugiats, e la campanha “Cò nòstre, cò vòstre” mobilizèt mièg milion de personas e organizèt lo pus grand concèrt solidari de l'istòria amb los refugiats. De soslinhar que lo Front Nacional es minoritari al Bascoat, en Bretanha e Corsega. Alavetz, en Occitània, es la pèrda de l'identitat que dona de vam a l'ultradrecha?
 




abonar los amics de Jornalet



publicitat



Comentaris

15 de setembre 08.07h

"Alavetz, en Occitània, es la pèrda de l'identitat que dona de vam a l'ultradrecha?"
Non, es principalament leis inegalitats, que son una caracteristica forta dau nostre ribatge mediterraneu, de Vitrola cap a Besiers, per un molon de rasons. Veire aquesta infografia : https://static.ladepeche.fr/content/media/image/zoom/2008/11/01/200811011582.jpg
La situacion economica es forca mai tranquilla dins lo Bascoat o Bretanha (o en Alsacia tanben).
E la situacion de Corsega es un pauc complicada ... Legir mai


Valoriza aqueste comentari:   votar positiu 1   votar negatiu 1
Respondre comentari replica Comentari inadeqüat   Formulari d'abús de comentari

13 de setembre 11.25h

#22
Es curiós aquel rasonament...
Disètz que sètz pas responsable del mal que se faguèt abans vos (mas que representatz totjorn al uèlhs dels que lo patiguèron), mas acceptatz e aprofichatz sens tròp de problèma del ben que se faguèt quora se lutèt per vòstres drets (a un moment ont existissiatz pas segur), a mens que coma "i sètz per pas res" aquí tanben, per exemple a prepaus de çò de la libertat d'expression (qu'i a fòrça estrangièrs que moriguèron dins lo maquis nòstre... Legir mai


Valoriza aqueste comentari:   votar positiu 5   votar negatiu 2
Respondre comentari replica Comentari inadeqüat   Formulari d'abús de comentari

11 de setembre 14.51h

Vocabulari politic: extrèma drèita, populisme,...
Un ensemble de páurs eteroclitas, realas o falsas se cristallizan a l'entorn de movements o partits dits, d'extrèma dreita o populistas, de per las altras sensibiletats politicas.
Aquells qualifificatius son criticables, que favorizan la convergència, e que semblan impròpris, que las gents i son pas necitament faissistas, e que populista desvaloriza le pòble, le pòble petit.
La pujada d'aquelles movements fa le jòc del ultra-liberalism... Legir mai


Valoriza aqueste comentari:   votar positiu 8   votar negatiu 3
Respondre comentari replica Comentari inadeqüat   Formulari d'abús de comentari

11 de setembre 12.15h

Ieu diriái puslèu pel « drech d’aculhir ». Me sembla mai popular que lo sabent « aculhença ».
Podèm debatre tant que volèm d’aquelas migracions. La causa es qu’es plan una question de punt de vista. Ausissi plan mens de monde bramar contra « l’invasion » del monde de nòrd de França que pr’aquò parlan pas coma nosautres, qu’an un accent suspect, cosina plan curiosament, qu’aiman pas nòstras costumas e sabi pas que mai… tot aquò pr’amor que passan pas una f... Legir mai


Valoriza aqueste comentari:   votar positiu 21   votar negatiu 2
Respondre comentari replica Comentari inadeqüat   Formulari d'abús de comentari

10 de setembre 23.32h

#22 Ai pas dich que deuriatz èsser punit per çò d'autres fagueren, dise mas que los Occidentaus, nòstres aujòus, avem creat las causas daus problemas dau sud e que çò que se passa aura ne'n es per bona part la consequéncia. Que fau far? Refusar aqueu monde que fugissen la miséria e pas partejar las nòstras richesas, los laissar crebar qué? Ieu, m'es d'avís qu'avem larjament pro richesas per los aculir, n'en aculir fòrça mai que çò que fasem. A legir la premsa, avem l'impression ... Legir mai


Valoriza aqueste comentari:   votar positiu 16   votar negatiu 2
Respondre comentari replica Comentari inadeqüat   Formulari d'abús de comentari

10 de setembre 22.10h

JC D #13 ; vesi pas las causas del meteis biàis que vos. Ieu, encara un còp, vesi pas per de que deuriái èstre punit per de faltas que son pas mieunas. Le mieu governament es colpable, cal que pague? Benleu, mes ei 27 ans, qu'ès aquel pecat que ne soi colpable, ieu que deuriái véser mon avenidor e aquel dels mieus mainatges atal cambavirat? Ajudar, òc ben, pas de problema. Se cal una taxa o quicòm mai, aquò rai.



Roquèta #12 : "lo país vòstre" ès le mieu tanben. I soi nascut, ne... Legir mai


Valoriza aqueste comentari:   votar positiu 9   votar negatiu 15
Respondre comentari replica Comentari inadeqüat   Formulari d'abús de comentari

10 de setembre 22.03h

Vesi qu'i a plan de monde per pocejar mon comentari. Aquel monde deuriá plusleu venir discutir. Soi dubert als escambis de punts de vista. Aquò rai.
Benleu seguirètz aqueste conselh : lisètz dusqu'a la fin abans de mandar un poce roge, de còps que i a òm finis per respectar un pauc mai le vejaire de l'autre, qu'aquel nos agrada o pas.

Ara, pels comentaris un bocinet... agressius? Que cercan pas una segonda de comprene çò que l'autre vòl dire.

Soi segurament pas "faissista" o "d'ult... Legir mai


Valoriza aqueste comentari:   votar positiu 11   votar negatiu 12
Respondre comentari replica Comentari inadeqüat   Formulari d'abús de comentari

10 de setembre 21.27h

#19 Alaidonc, quaus son las rasons de la "susdelinquéncia" daus noveus arribants? Assabentatz-nos donc, paubres ideològues que som.


Valoriza aqueste comentari:   votar positiu 5   votar negatiu 2
Respondre comentari replica Comentari inadeqüat   Formulari d'abús de comentari

10 de setembre 19.35h

#17 Me desencusarètz, mas, amb tot lo respecte, pensi qu' aquel comentari es ua pièla de luòcs comuns.

Visquèri a Marsilha,. Jamai ai vist o ausit parlar d'atentats o de chaples organizats pels italians.

A Lion, fa temps, un anarquista Caserio tuèt lo president Sadi Carnot mas èra un cas isolat , per rason ideòlogica e pas per racisme anti francés.

Autre exemple : dins Gèrs, i a mai de 40 del cent de la populacion qu'an una asendéncia italiana. Ai 70 ans e mai ai vist o ausit par... Legir mai


Valoriza aqueste comentari:   votar positiu 10   votar negatiu 28
Respondre comentari replica Comentari inadeqüat   Formulari d'abús de comentari

10 de setembre 11.09h

Per çò que tòca a la "susdelinquéncia" relativa daus immigrats, un article breu que met en perspectiva: https://asile.ch/2017/04/11/domaine-public-criminalite-etrangers-personnes-dela-statistiques/ e un estudi de fons de plan bon legir per se tirar de las analisis simplistas a la Zemmour: https://www.erudit.org/fr/revues/crimino/2003-v36-n2-crimino701/007865ar/... Legir mai


Valoriza aqueste comentari:   votar positiu 22   votar negatiu 3
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2
-
3 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

giny

Lo temps

Mapa
  • sol Agen 19 1
  • sol Aush 19 1
  • sol Bordèu 19 3
  • sol Briançon 19 1
  • sol Caors 19 0
  • sol Carcassona 18 2
  • sol Clarmont-Ferrand 16 4
  • sol Confolent 17 2
  • sol Gap 19 1
  • sol La Canau 13 6
  • nuvols La Gàrdia 11 3
  • sol La Torre de Pèlitz 16 5
  • sol Limòtges 17 2
  • sol Lo Borg Sant Dalmatz 16 4
  • sol Lo Puèi de Velai 14 3
  • sol Marselha 16 4
  • sol Montpelhièr 13 6
  • sol Naut Aran 19 1
  • sol Niça 8 -3
  • sol Nimes 18 3
  • sol Pau 20 4
  • sol Peireguers 18 3
  • sol Rodés 16 4
  • sol Tolon 16 4
  • sol Tolosa 13 6
  • sol Valença 15 5

giny

giny

giny

Vidèos

giny

giny

publicitat

lateral 2 teveoc

Entrevista

publicitat

LATERAL1 300X250: radio pais



publicitat

lateral 2 teveoc

Fotografias

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Catarin Seguran

    Las ribas del riu Tiniá d'estiu

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Galhac

    Octòbre de 2012 en Tèrrafòrt de Galhac Tolzan

  • Fèsta occitana a Barcelona, a l'ocasion del cinquen anniversari de Jornalet

  • Espaci occitan a Draoníer (Val Maira). © Cristòu Daurore

    Espaci occitan a Draoníer (Val Maira)

  • © Xavi Gutiérrez Riu

    31n rescontre occitanocatalan al Pòrt de Salau

  • © Margaria Pepin

    Adobament dal Grand Prèmi de Mónegue de 2014

  • La prima en valaa de Tiniá. © Laurenç Revèst

    La prima en Tiniá

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Laurenç Revèst

    Menton, 'a vivaroalpenca maritima

  • © Franc Bardòu

    Tresaurs andorrans

  • Irissa: prumèra edicion dera corsa populara de BTT

  • © Laurenç Revèst

    Menton, 'a vivaroalpenca maritima

  • © Laurenç Revèst

    Fòrt Maginòt de Sant Anhe

  • Goulamàs'K a Bordelha (Rebeiragués) lo 9 de julhet 2012

  • Líusola (Comtat de Niça). © Laurenç Revèst

    Líusola (Comtat de Niça)

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

giny

Las mai...

publicitat

LATERAL2 300x250: Cultura Conselh Aran

giny

Sondatge

Creses que la manifestacion de Tolosa a portat un vam nòu al combat occitanista?


63%



19%



8%



6%



4%




Vots 135 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)