Bandièra01 capçalera  1180x150: Botiga

editorial

Acusi: lo jutjament contra los elegits independentistas catalans

S'acaba 2018 e comença 2019 amb una anomalia democratica de las bèlas en Euròpa. La justícia espanhòla e l’ultradrecha perseguisson 18 elegits: 17 catalans e una occitana per aver menat a bon tèrme un referendum sus l’independéncia de Catalonha e Aran lo 1r d’octòbre de 2017. Dels independentistas perseguits, se jutjarà pas los exiliats, car la justícia espanhòla a pas reüssit que las justícias alemanda, bèlga, soïssa e escocesa reconescan las acusacions de rebellion e sedicion. De soslinhar que nòu d’aqueles elegits son en preson preventiva.
 
Ara, quand manca paucas setmanas per que comence lo jutjament, la Cort Suprèma espanhòla a devesit lo procès en dos.
 
— Se jutjarà a Madrid en çò de la Cort Suprèma dotze democratas: lo president d’Òmnium e l’èx-president de l’Assemblada Nacionala Catalana Jordi Cuixart e Jordi Sánchez; l’èx-presidenta del Parlament de Catalonha Carme Forcadell e los seguents ministres del govèrn de Carles Puigdemont: Dolors Bassa, Meritxell Borràs, Joaquim Forn, Oriol Junqueras, Carles Mundó, Raül Romeva, Josep Rull, Jordi Sànchez, Jordi Turull e Santi Vila.
 
— Se jutjarà a Barcelona en çò de la Cort Superiora de Justícia de Catalonha los membres del burèu del Parlament Ramona Barrufet, Lluís Maria Corominas, Lluís Guinó, Joan Josep Nuet, Anna Isabel Simó e l’èx-deputada occitana Mireia Boya. Eles son acusats de desobesissença  al Tribunal Constitucional per aver permés e realizat un vòte que la cort aviá enebit.
 
Se perseguís 18 independentistas catalans acusats de rebellion, sedicion, desobesissença, apertenéncia a organizacion criminala e malversacion de fonzes publics, dins una procedura plena d’irregularitats, que ten coma partida civila lo partit ultradrechista Vox.
 
Tant l’imatge dels jutges que dona la paraula a l’extrèma drecha pròfranquista per jutjar los democratas, coma l’acusacion d’”atemptat grèu contra l’interès d’Espanha” certifican la raiç franquista e venjaira de la justícia espanhòla. Mai que mai se vesèm que dotze elegits del pòble encarcerats en preson preventiva seràn embarrats dins de presons de Madrid e menats manotats a cada sesilha al palais de justícia.
 
Enfin, lo jutge president del tribunal que jutjarà los elegits catalans a Madrid, Manuel Marchena, a mandat un messatge fòrça pervèrs. Los avocats avián demandat de poder declarar près de lor domicili e non pas a Madrid, e d’o poder far en catalan. Marchena ditz que lo “sistèma constitucional permet pas aqueles dreches” e precisa que declarar en catalan e près de l’ostal auriá pas cap de sens dins una autra cort coma la Cort Europèa dels Dreches Umans a Estrasborg.

 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

pjm pjm
4.

#2 una amassada de redactors a prepausar ?

  • 1
  • 8
Emmanuèl Isopet
3.

#2 Un article d'opinion a prepausar?

  • 11
  • 1
pjm pjm
2.

pas mei d'article d'opinion dempuish guilhanèu...
lo subercatalanisme, las bondiusarias, lo pojadisme e l'abséncia de linha editoriala jà an avut rason de Jornalet, de sons colaborators e de son lectorat ??

  • 1
  • 19
cataloccitá catloccitánia
1.

ELJUDICI ES UNA FARÇA, PER FER UN EXCARMENT E QUE SERVEIXI DE EXEPLE PER LES ALTRES MINORIES D´ESPANHA. PRO LA HISTORIA ELS ABSOLVERÁ.

  • 7
  • 0

Escriu un comentari sus aqueste article