Bandièra01 1180x150: Comuna de Tolosa

editorial

Vòts per l’an del centenari de Joan Bodon

Aqueste an 2020 que commemorarem los cent ans de la naissença de Joan Bodon
Aqueste an 2020 que commemorarem los cent ans de la naissença de Joan Bodon
Comença una nòva annada e coma d’abitud es ora d’exprimir los bons vòts per l’an 2020. La còla de Jornalet esperam que serà un bon an per Occitània. Volèm que se dobrisca.mai de calandretas e mai de classas bilinguas dins las escòlas publicas. Esperam que creisserà la senhalizacion en occitan e qu’aumentaràn los corses d’occitan per adultes. Volèm que las eleccions municipalas se tradugan per un màger nombre d’elegits occitanistas dins las comunas del país; se se pòt faire, esperam de n’aver mai que jamai. Desiram que lo caumatge davale, que las perspectivas economicas se melhoren e que l'ÒPLO decidisca enfin de finançar los mèdias en lenga occitana.
 
Per quant a França e son govèrn, n’esperam puslèu paucas causas, mas cresèm d’aver rason d'exigir qu’abolisca la Reforma Blanquer, que ratifique la Carta Europèa de las Lengas Regionalas e Minoritàrias e que rectifique sas politicas lingüicidas e culturicidas en tot reparar lo mal fach. Tanben volèm que quite de vendre d’armas, mai que mai a l’Arabia Saudita que son conflicte amb Iemèn es qualificat per l’ÒNU de “pièger crisi umanitària de nòstre temps”.
 
A prepaus de l’estat espanhòl, esperam que se virarà devèrs la democracia e qu’aquel conflicte politic qu’el ten amb Catalonha se resolverà amb de dialòg e pas pus amb de tribunals, de presons, de repression, de montatges e de messorgas.
 
E nos cal reconéisser qu’esperam sustot de veire coma Aran, un país occitan, vendrà enfin lo far d’una Occitània mens alienada e mai liura e sobeirana. Dins aquel sens, volèm jónher las revendicacions de la deputada aranesa Anna Geli e sas paraulas quand diguèt: “Demani ath govèrn dera Val d’Aran que se posicione a favor, o coma minim, ath cant des catalans que son eri es que mos auetz reconeishut pendent fòrça ans”. Cal puslèu prene en compte qu’es lo Parlament de Catalonha qu’a reconegut lo drech a l’autodeterminacion del pòble aranés e l’oficialitat de la lenga occitana, e que foguèt la Generalitat de Catalonha que restaurèt lo Conselh General d’Aran 157 ans après que l’estat espanhòl l’aguèt abolit.
 
Enfin, demandam al govèrn aranés que vire pas l’esquina a la rèsta del país occitan e que permeta que lo pòble aranés aja l’accès complet a tota sa lenga e cultura, mai que mai aqueste an 2020 que commemorarem los cent ans de la naissença de Joan Bodon, un dels màgers escrivans en lenga nòstra.
 
 
abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Un escrivan occitan
7.

« E los autors del sègle vint e un ? Pecaire, n'i a ges ! » E, mas ont vives, tu ? D'autors occitans a l'ora d'ara, plan segur qu'encara n'i a : https://www.espaci-occitan.com/botiga/fr/

E mai avèm encara tres revistas literàrias qu'espèran ton abonament : Reclams, Òc e Gai Saber. Las legiguèsses, sauriás qye d'autors occitans, plan segur que n'i a, encara !!!

  • 0
  • 0
Pitaluga
6.

#5 vèrses (e pas vèrs).

  • 0
  • 0
Pitaluga
5.

Sèm plan nombroses los que, per nos botar a legir l'occitan, comencèrem amb un roman de Joan Bodon.
Òsca a aquel gran escrivan!
Mercé a el per sa lenga clara e druda.
Mercé tanben per aver ausat tocar de temas dins sos romans que los romancièrs franceses evitavan après la guèrra.
E mercé per sos vèrs bèls e lucids.

  • 14
  • 0
Los Grands Jorns
4.

Polida tièra al Paire Nadal qu'aqueles vots per l'an novèl ! Contràriament a maites autors occitans del sègle vint, i cresia pas al Paire Nadal, lo Joan Bodon. E los autors del sègle vint e un ? Pecaire, n'i a ges !

  • 5
  • 0
Hilh
3.

Que vorrí plan saber çò qui n'an a fóter los aranés de Jan Bodon...

  • 5
  • 29

Escriu un comentari sus aqueste article