editorial
Rémi Fraisse, Jusèp Condò, Robèrt Lafont, Rosina de Pèira e Rodin
Ven de paréisser lo numèro 2 de Jornalet en papièr. Après la polida experiéncia del numèro 1, la redaccion prepausa desenant un tèma cada an, per tal de retraire l’evolucion del subjècte raportat long dels meses o dels ans.
Dins aqueste numèro 2 se remembra lo combat contra lo projècte d’un barratge dins lo bòsc de Sivens que costèt la vida al jove ecologista tolosan Rémi Fraisse. Fraisse foguèt pas tuat per de malfactors ni mai per de terroristas, mas per las fòrças de seguretat de l’estat que defendián un projècte de construccion qu’a la fin se realizèt pas. Sièis ans après sa mòrt, sèm totjorn a esperar un omenatge nacional o qualque sòrta de reconeissença. Luènh d’aquò, a tota la dolor de la familha s’apond lo fach que la longa enquista judiciària s’acabèsse en un non-luòc.
Lo numèro 2 de Jornalet en papièr tracta tanben los omenatges que la Generalitat de Catalonha rendèt pendent l’an 2019 a Robèrt Lafont e a l’escrivan aranés Jusèp Condò. Dins aquel sens, la revista publica un article inedit de Jèp de Montoya sus l’escrivan de la Val d’Aran. A mai, la revista conten una seleccion de las opinions pus legidas, e se clava en recordant la necrologia de Rosina de Pèira, l’icòna de la nòva cançon occitana e maire del folk occitan, que nos quitèt en junh de 2019.
Quant a l’entrevista, avèm recuperat la de Rodin Kaufmann, un dels artistas contemporanèus pus grands que dignifica plan la lenga nòstra. L’artista marselhés de milanta engenhs faguèt tanben son omenatge a Rémi Fraisse amb son immancable Ai mamà, se sabiás coma lo riu fasiá enveja.
Dins los jorns avenidors, mandarem per la pòsta la revista als sòcis de l’ADÒC e dels Amics de Jornalet.
La botiga de Jornalet
Per vendre aqueste numèro, e tanben lo numèro 1, avèm bastit una botiga en linha ont se pòt crompar las revistas en papièr, a 10 èuros, o en version numerica (PDF), a 5,90 èuros. La botiga la metem a la disposicion de totes los que se’n voldràn servir per vendre quicòm, que siá de libres, de disques, de mèrças, de produches etiquetats en occitan...
Mentretant, los centres culturals, estanquets, botigas, librariás del país que desiren un fons de qualques exemplars de las revistas en depaus per los metre en venda, son pregats de contactar la redaccion per e-mail (info(a)jornalet.com) o per telefòn al +34 625 469 373.
Dins aqueste numèro 2 se remembra lo combat contra lo projècte d’un barratge dins lo bòsc de Sivens que costèt la vida al jove ecologista tolosan Rémi Fraisse. Fraisse foguèt pas tuat per de malfactors ni mai per de terroristas, mas per las fòrças de seguretat de l’estat que defendián un projècte de construccion qu’a la fin se realizèt pas. Sièis ans après sa mòrt, sèm totjorn a esperar un omenatge nacional o qualque sòrta de reconeissença. Luènh d’aquò, a tota la dolor de la familha s’apond lo fach que la longa enquista judiciària s’acabèsse en un non-luòc.
Lo numèro 2 de Jornalet en papièr tracta tanben los omenatges que la Generalitat de Catalonha rendèt pendent l’an 2019 a Robèrt Lafont e a l’escrivan aranés Jusèp Condò. Dins aquel sens, la revista publica un article inedit de Jèp de Montoya sus l’escrivan de la Val d’Aran. A mai, la revista conten una seleccion de las opinions pus legidas, e se clava en recordant la necrologia de Rosina de Pèira, l’icòna de la nòva cançon occitana e maire del folk occitan, que nos quitèt en junh de 2019.
Quant a l’entrevista, avèm recuperat la de Rodin Kaufmann, un dels artistas contemporanèus pus grands que dignifica plan la lenga nòstra. L’artista marselhés de milanta engenhs faguèt tanben son omenatge a Rémi Fraisse amb son immancable Ai mamà, se sabiás coma lo riu fasiá enveja.
Dins los jorns avenidors, mandarem per la pòsta la revista als sòcis de l’ADÒC e dels Amics de Jornalet.
La botiga de Jornalet
Per vendre aqueste numèro, e tanben lo numèro 1, avèm bastit una botiga en linha ont se pòt crompar las revistas en papièr, a 10 èuros, o en version numerica (PDF), a 5,90 èuros. La botiga la metem a la disposicion de totes los que se’n voldràn servir per vendre quicòm, que siá de libres, de disques, de mèrças, de produches etiquetats en occitan...
Mentretant, los centres culturals, estanquets, botigas, librariás del país que desiren un fons de qualques exemplars de las revistas en depaus per los metre en venda, son pregats de contactar la redaccion per e-mail (info(a)jornalet.com) o per telefòn al +34 625 469 373.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari